കാസര്‍കോട്: പ്രതിപക്ഷ നേതാവ് വി.ഡി സതീശനെതിരെ രൂക്ഷ വിമർശനവുമായി മന്ത്രി പി.എ മുഹമ്മദ് റിയാസ്. പ്രതിപക്ഷ നേതാവിന് കൊട്ടാനുള്ള ചെണ്ടയല്ല കേരളത്തിലെ മന്ത്രിമാരെന്നും രാഷ്‌ട്രീയ പ്രതികരണം നടത്താൻ പ്രതിപക്ഷ നേതാവിന്‍റെ അനുമതി വാങ്ങേണ്ടതില്ലെന്നും മന്ത്രി പറഞ്ഞു. കാസർകോട് വച്ച് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
പ്രതിപക്ഷ നേതാവിന് കൊട്ടാനുള്ള ചെണ്ടയല്ല കേരളത്തിലെ മന്ത്രിമാർ, മന്ത്രി പി എ മുഹമ്മദ് റിയാസ്
പ്രതിപക്ഷ നേതാവിന്‍റേത് പക്വതയില്ലാത്ത പെരുമാറ്റമാണ്. പ്രതിപക്ഷ നേതാവിന്‍റെ പരിചയക്കുറവ് മറച്ചുവയ്‌ക്കാനാണ്‌ മറ്റുള്ളവരുടെ മേൽ കുതിര കയറുന്നത്. വിമർശനങ്ങളെ സഹിഷ്‌ണുതയോട് കൂടി സ്വീകരിക്കുന്നവരാണ് ഞങ്ങൾ. എന്നാൽ എല്ലാവർക്കും വ്യക്തിത്വമുണ്ട്.
