കാസർകോട്: നിരവധി കേസുകളിൽ പ്രതിയായ ഉളിയത്തടുക്ക സ്വദേശി സമദാനിക്കെതിരെ (28) കാപ്പ ചുമത്തി. മയക്കു മരുന്ന് വില്‍പ്പന, വധശ്രമം, തട്ടിക്കൊണ്ടു പോകൽ ഉൾപ്പെടെ കാസർകോട്, വിദ്യാനഗർ, ബദിയഡുക്ക, കുമ്പള സ്റ്റേഷനുകളിൽ നിരവധി കേസുകളിൽ പ്രതിയായ സമദാനിക്കെതിരെ പൊലീസ് റിപ്പോർട്ടിന്‍റെ അടിസ്ഥാനത്തിലാണ് കാപ്പ ചുമത്തി കലക്ടർ ഉത്തരവ് ഇറക്കിയത്.
വിദ്യാനഗർ പൊലീസ് സ്റ്റേഷനിൽ രജിസ്റ്റർ ചെയ്ത 20 കിലോ കഞ്ചാവ് പിടിച്ച കേസുമായി ബന്ധപ്പെട്ട് സമദാനി കഴിഞ്ഞ ആറ് മാസമായി കണ്ണൂർ സെൻട്രൽ ജയിലിൽ കഴിയുകയാണ്.
also read: തൃക്കരിപ്പൂരിൽ വീട് കുത്തിത്തുറന്ന് 35 പവൻ കവര്‍ന്നു
മയക്കു മരുന്ന് കേസ് ഉൾപ്പെടെ ഒന്നിൽ കൂടുതൽ കേസുകളിൽ പ്രതിയാവുന്ന മുഴുവൻ ക്രിമിനലുകൾക്കെതിരെയും വരും ദിവസങ്ങളിൽ കാപ്പ പ്രകാരം നടപടി സ്വീകരിക്കാൻ റിപ്പോർട്ട്‌ നൽകുമെന്ന് കാസർകോട് ഡിവൈഎസ്‌പി ബാലകൃഷ്ണൻ നായർ അറിയിച്ചു.
