കണ്ണൂർ: കണ്ണൂർ പാനൂരിൽ പൊലീസിന്റെ വാഹന പരിശോധനക്കിടെ ആറ് കിലോ കഞ്ചാവുമായി ഒരാള്‍ പിടിയിൽ. തളിപറമ്പ് കുറുമാത്തൂര്‍ സ്വദേശി അബ്ദുൾ ജാഫറാണ് പിടിയിലായത്. മാക്കൂൽ പീടികയിൽ വാഹന പരിശോധന നടത്തുന്നതിനിടയിലാണ് ഇയാള്‍ പിടിയിലായത്.
വാഹന പരിശോധനക്കിടെ ആറ് കിലോഗ്രാം കഞ്ചാവുമായി ഒരാള്‍ പിടിയിൽ
കൂത്തുപറമ്പ് ഭാഗത്ത് നിന്നും കെഎൽ 58 ക്യു ഇന്നോവ കാറിൽ വന്ന പ്രതി പൊലീസ് കൈ കാണിച്ചപ്പോള്‍ നിർത്താതെ പോവുകയായിരുന്നു. തുടർന്ന് കാറിനെ പിന്തുടര്‍ന്ന പൊലീസ് സംഘം വള്ളങ്ങാട് പെട്രോൾ പമ്പിനടുത്ത് വച്ച് ഇയാളെ പിടികൂടി. കാറിന്റെ മുൻഭാഗത്തും പിൻസീറ്റിനടിയിലും ഒളിപ്പിച്ച നിലയിലായിരുന്നു കഞ്ചാവ്. കഞ്ചാവ് കടത്തല്‍ കേസില്‍ അബ്ദുല്‍ ജാഫര്‍ നേരത്തെയും പിടിയില്‍ ആയിട്ടുണ്ട്.
