കണ്ണൂർ : ബ്രിട്ടീഷുകാർക്ക് രാജ്യത്തെ ഒറ്റുകൊടുത്ത സവർക്കറുടെ പിൻഗാമികൾ ലക്ഷദ്വീപിനെ തകർക്കുകയാണെന്ന് ഡി.സി.സി. പ്രസിഡന്‍റ് സതീശൻ പാച്ചേനി. മോദിയുടെയും ആർ.എസ്.എസിന്‍റെയും രഹസ്യ അജണ്ടയാണ് ലക്ഷദ്വീപിൽ നടപ്പിലാക്കുന്നതെന്നും അദ്ദേഹം കുറ്റപ്പെടുത്തി.
മനുഷ്യാവകാശ ലംഘനങ്ങൾക്കെതിരെ സംസ്കാര സാഹിതി നിയോജക മണ്ഡലം കമ്മിറ്റി സംഘടിപ്പിച്ച രാഷ്ട്രപതിക്ക് കത്തയക്കൽ പരിപാടി തളിപ്പറമ്പ് ഹെഡ് പോസ്റ്റ് ഓഫിസിന് മുമ്പിൽ ഉദ്ഘാടനം ചെയ്യുകയായിരുന്നു അദ്ദേഹം.
ഒരു ക്രിമിനൽ കേസ് പോലുമില്ലാത്ത ലക്ഷദ്വീപിൽ ഗുണ്ടാ നിയമം നടപ്പിലാക്കുകയാണ് മോദി സർക്കാരിന്‍റെ ആജ്ഞാനുവർത്തിയായ പ്രഫുൽ ഖോഡെ പട്ടേൽ.
'സവർക്കറുടെ പിൻഗാമികൾ ലക്ഷദ്വീപ് ജനതയെ ദ്രോഹിക്കുന്നു': സതീശൻ പാച്ചേനി
