കണ്ണൂരില്‍ യുഡിഎഫ് പ്രവർത്തകരെ സിപിഎം ആക്രമിച്ചതായി പരാതി

സിപിഎമ്മിന്‍റെ കള്ളവോട്ട് തടഞ്ഞതിലുണ്ടായ പ്രതികാരമാണ് അക്രമങ്ങൾക്ക് പിന്നിലെന്നാണ് യുഡിഎഫ് ആരോപണം.

കണ്ണൂര്‍: കണ്ണൂർ കുഞ്ഞിമംഗലത്ത് യുഡിഎഫ് പ്രവർത്തകരെ സിപിഎം ആക്രമിച്ചതായി പരാതി. കുഞ്ഞിമംഗലം അങ്ങാടിയിലാണ് അക്രമം നടന്നത്. അക്രമത്തിൽ നിരവധി വാഹനങ്ങൾ തകർന്നു. സിപിഎമ്മിന്‍റെ കള്ളവോട്ട് തടഞ്ഞതിലുണ്ടായ പ്രതികാരമാണ് അക്രമങ്ങൾക്ക് പിന്നിലെന്നാണ് യുഡിഎഫ് ആരോപണം. തിങ്കളാഴ്‌ച ജില്ലയില്‍ തദ്ദേശ തെരഞ്ഞെടുപ്പ് പൂര്‍ത്തിയായതിന് പിന്നാലെയാണ് അക്രമ സംഭവങ്ങള്‍.