ഇടുക്കി: മാലിന്യ സംസ്കരണത്തിന് പരിഹാരവുമായി വണ്ടൻമേട് ഗ്രാമ പഞ്ചായത്ത് . ജൈവ, അജൈവ മാലിന്യങ്ങൾ വേർതിരിച്ചുളള മാലിന്യ പ്ലാന്‍റുകളുടെ നിർമ്മാണത്തിനാണ് പഞ്ചായത്ത് തുടക്കം കുറിച്ചിരിക്കുന്നത്. മാലി ഗവൺമെന്‍റ് എൽ പി സ്കൂളിൽ നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് ജാൻസി റെജിയാണ് മാലിന്യ സംസ്കരണ പ്ലാന്റ് ഉദ്ഘാടനം ചെയ്‌തത്. മാലിന്യ സംസ്കരണത്തിന് വേണ്ട സജ്ജീകരണങ്ങൾ ഇല്ലാത്തതായിരുന്നു പ്രദേശത്തെ പ്രധാന പ്രശ്നം. മാലിന്യ സംസ്കരണം നടക്കാത്തത് വലിയ പ്രതിഷേധങ്ങൾക്ക് ഇടവരുത്തിയിരുന്നു. പ്ലാന്റ് യാഥാർത്ഥ്യമായതോടെ ഗുരുതരമായ മാലിന്യ നിക്ഷേപത്തിനാണ് പരിഹാരം ആയിരിക്കുന്നത്.
മാലിന്യ നിക്ഷേപത്തിന് പരിഹാരവുമായി വണ്ടൻമേട് ഗ്രാമപഞ്ചായത്ത്
