ഇടുക്കി: കനത്ത കാറ്റും മഴയും പീരുമേട് തോട്ടം മേഖലയിൽ വൻ നാശം വിതച്ചു. പീരുമേട് ടീ കമ്പനിയിലെ ചീന്തലാർ ഒന്നാം ഡിവിഷനില്‍ ലയങ്ങളുടെ മേൽക്കൂര തകർന്ന് ആറു തൊഴിലാളികൾക്ക് പരിക്കേറ്റു. നാലു കുടുംബങ്ങളെയാണ് ഇവിടെ പാർപ്പിച്ചിരിക്കുന്നത്.ലയങ്ങളിൽ താമസിച്ചിരുന്നവരെ ദുരിതാശ്വാസ ക്യാമ്പിലേയ്ക്ക് മാറ്റി.
ഇടുക്കിയിൽ ലയങ്ങളുടെ മേൽക്കൂര തകർന്ന് ആറു തൊഴിലാളികൾക്ക് പരിക്കേറ്റു
കഴിഞ്ഞ 20 വർഷത്തിലധികമായി പീരുമേട് ടീ കമ്പനിയുടെ രണ്ടു ഡിവിഷനുകളും അടഞ്ഞുകിടക്കുകയാണ്. ഉടമകൾ തോട്ടം ഉപേക്ഷിച്ച് പോയതിൽ പിന്നെ ലയങ്ങളുടെ അറ്റകുറ്റപണികൾ നടന്നിട്ടില്ല. ഏതു നിമിഷവും തകർന്നു വീഴാവുന്ന ലയങ്ങളിലാണ് തൊഴിലാളികൾ കഴിയുന്നത്. മഴക്കാലം ഇവർക്ക് ഭീതിയുടെ കാലം കൂടിയാണ്.
