ഇടുക്കി: കാന്തിപ്പാറ സെന്റ് സെബാസ്റ്റ്യൻ ഹൈസ്കൂളില് ഗണിതോത്സവത്തിന് തുടക്കമായി. പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായാണ് ഗണിതോത്സവം സംഘടിപ്പിച്ചിരിക്കുന്നത്. മൂന്ന് ദിവസങ്ങളിലാണ് ഗണിതോത്സവം. വിദ്യാർത്ഥികളിൽ ഗണിത താല്പര്യം വളർത്തുക, ഗണിതത്തോടുള്ള ഭയം ഇല്ലാതാക്കുക, ഗണിതത്തെ ജീവിതപ്രശ്ങ്ങൾ പരിഹരിക്കുന്നതിനുള്ള ഉപാധിയാക്കി മാറ്റുക,ഗണിത പഠനത്തിൽ ആത്മവിശ്വാസം വളർത്തുക തുടങ്ങിയ ലക്ഷ്യങ്ങള്‍ മുൻനിര്‍ത്തിയാണ് മേള സംഘടിപ്പിച്ചിരിക്കുന്നത്. സമഗ്ര ശിക്ഷ നെടുങ്കണ്ടം ബി.ആർ.സി യുടെ നേതൃത്വത്തിലാണ് ഗണിതോത്സവം നടത്തുന്നത്. രാജകുമാരി, സേനാപതി പഞ്ചായത്തുകളിലെ വിവിധ സ്‌കൂളുകളില്‍ നിന്നായി 6 ,7 ,8 ക്ലാസുകളിലെ നൂറോളം കുട്ടികളാണ് ഗണിതോത്സവത്തിൽ പങ്കെടുക്കുന്നത്.
ഗണിതോത്സവത്തിന് തുടക്കം
