ഇടുക്കി: കട്ടപ്പന ഫെസ്റ്റിന് തുടക്കമായി. നഗരസഭയിലെ കുടുംബശ്രീകളിൽ നിന്ന്‌ നിരവധി വനിതകൾ പങ്കെടുത്ത സാംസ്കാരിക റാലിയോടെയാണ് ഫെസ്റ്റ് ആരംഭിച്ചത്. വാദ്യഘോഷങ്ങളും നിശ്ചലദൃശ്യങ്ങളും കലാരൂപങ്ങളും റാലിക്ക് വർണപ്പകിട്ടേകി. സംവിധായകൻ ജോണി ആന്റണി ഫെസ്റ്റ് ഔദ്യോഗികമായി ഉദ്ഘാടനം ചെയ്തു. ജനുവരി ഒന്ന് വരെയാണ് ഫെസ്റ്റ് നടക്കുന്നത്.
കട്ടപ്പന ഫെസ്റ്റിന് തുടക്കം; ഉത്സവ ലഹരിയില്‍ നഗരം
ഇടുക്കിയും കട്ടപ്പനയും മലയാള ചിത്രങ്ങളുടെ ഭാഗ്യ ലൊക്കേഷനാണെന്നും മലയാള ചലച്ചിത്രലോകം ഇടുക്കിയോട് എപ്പോഴും കടപ്പെട്ടിരിക്കുമെന്നും ജോണി ആന്റണി പറഞ്ഞു. ഫെസ്റ്റിൽ നിന്നും ലഭിക്കുന്ന ലാഭവിഹിതം കാരുണ്യ പ്രവർത്തനങ്ങൾക്ക് നൽകാനാണ് നഗരസഭയുടെ തീരുമാനം. മുൻസിപൽ സ്റ്റേഡിയത്തിലെ ഫെസ്റ്റ് നഗരിയിലാണ് പൊതുസമ്മേളനം നടന്നത്.
