ഇടുക്കി: ഇന്ധനവില വര്‍ധനവില്‍ നട്ടം തിരിഞ്ഞ് ഹൈറേഞ്ചിലെ ഓട്ടോറിക്ഷാ തൊഴിലാളികള്‍. ദിവസവും ഇന്ധനവില വര്‍ധിക്കുന്നത് തങ്ങളുടെ കുടുംബ ബജറ്റ് താളംതെറ്റിക്കുന്നുവെന്നാണ് ഓട്ടോറിക്ഷാ തൊഴിലാളികളുടെ പരാതി. ഇന്ധനവില വര്‍ധനവ് നിയന്ത്രിക്കാന്‍ സര്‍ക്കാരുകളുടെ ഇടപെടല്‍ വേണമെന്നും ഓട്ടോറിക്ഷാ തൊഴിലാളികള്‍ ആവശ്യപ്പെടുന്നു.
ലോക്ക് ഡൗണിന് ശേഷം ഓട്ടം ലഭിക്കുന്നതില്‍ കാര്യമായ കുറവ് വന്നതിനൊപ്പം ഇപ്പോള്‍ ഉണ്ടായിട്ടുള്ള ഇന്ധന വില വര്‍ധനവ് കൂടിയായപ്പോള്‍ തൊഴില്‍ മേഖലയില്‍ മുമ്പോട്ട് പോകാനാവാത്ത സാഹചര്യമാണുള്ളതെന്ന് ഓട്ടോറിക്ഷാ തൊഴിലാളികള്‍ പറയുന്നു.
