ഇടുക്കി: തേഡ്ക്യാംപിലും തൂക്കുപാലത്തും സാമൂഹിക വിരുദ്ധരുടെ ശല്യം രൂക്ഷമാകുന്നു. രണ്ട് സംഭവങ്ങളിലായി അഞ്ച് വാഹനങ്ങളാണ്‌ സാമൂഹിക വിരുദ്ധർ തീയിട്ടു നശിപ്പിച്ചത്‌. ഞായറാഴ്‌ച തൂക്കുപാലത്ത്‌ പ്രവർത്തിക്കുന്ന വർക്ക്‌ ഷോപ്പിനുള്ളിൽ സൂക്ഷിച്ചിരുന്ന ഒരു ഓട്ടോറിക്ഷയും രണ്ട് ബൈക്കുമാണ് സാമൂഹിക വിരുദ്ധർ തീയിട്ടു നശിപ്പിച്ചത്‌. നാട്ടുകാരുടെ സമയോചിതമായ ഇടപെടൽ മൂലമാണ് വൻ ദുരന്തം ഒഴിവായത്. രാത്രിയിൽ വർക്ക്‌ ഷോപ്പ് ഉടമ പുറത്ത് പോയ സമയത്താണ് സാമൂഹിക വിരുദ്ധർ വാഹനങ്ങൾക്ക്‌ തീയിട്ടത്. ലക്ഷകണക്കിന് രൂപയുടെ നാശനഷ്ടമാണുണ്ടായത്. പരാതിയെ തുടർന്നു നെടുങ്കണ്ടം പൊലീസ് കേസെടുത്ത് അന്വേഷണം ആരംഭിച്ചു.
സാമൂഹിക വിരുദ്ധർ ഓട്ടോറിക്ഷ തീയിട്ടു നശിപ്പിച്ചു
കഴിഞ്ഞ ദിവസം തേഡ്ക്യാംപിൽ ഓട്ടോറിക്ഷ തീയിട്ട് നശിപ്പിച്ചിരുന്നു. ഈ സംഭവമായി ബന്ധപ്പെട്ടാണ് തൂക്കുപാലത്തും ഓട്ടോറിക്ഷക്ക് തീയിട്ടതെന്ന സംശയത്തിലാണ് പോലീസ്.
