എറണാകുളം: വിമാനയാത്രക്കിടെ കുഴഞ്ഞുവീണ സ്‌ത്രീ മരിച്ചു. 56കാരിയായ മിനി ദേഹാസ്വാസ്ഥ്യത്തെ തുടര്‍ന്ന് ആശുപത്രിയില്‍ വച്ചാണ് മരിച്ചത്. ശനിയാഴ്‌ച (സെപ്‌റ്റംബര്‍ 11) ദുബായിൽ നിന്നും കൊച്ചിയിലേക്ക് സഞ്ചരിച്ചിരുന്ന ഫ്ലൈറ്റില്‍ വച്ചാണ് സംഭവം.
കൊച്ചിയില്‍ വിമാനം ലാൻഡ് ചെയ്‌ത ഉടനെ അടുത്തുള്ള സ്വകാര്യ ആശുപത്രിയിൽ എത്തിച്ചിരുന്നു. ഇവിടെ വച്ചാണ് മരണം സ്ഥിരീകരിച്ചതെന്ന് പൊലീസ് അറിയിച്ചു. ചില അസുഖങ്ങളെ തുടർന്ന് ഇവര്‍ ചികിത്സയിലായിരുന്നെന്ന് എയർപോർട്ട് വൃത്തങ്ങൾ അറിയിച്ചു. സ്വാഭാവിക മരണമായതിനാൽ സംഭവത്തിൽ പൊലീസ് കേസെടുത്തിട്ടില്ല.
