കൊച്ചി: കെഎസ്‌ആർടിസി മിന്നൽ പണിമുടക്കിനെ പിന്തുണച്ച് സിപിഐ സംസ്ഥാന സെക്രട്ടറി കാനം രാജേന്ദ്രൻ. പൊലീസിനും തൊഴിലാളികൾക്കും സംഭവത്തിൽ ഉത്തരവാദിത്തമുണ്ട്. നിയമം നടപ്പിലാക്കേണ്ടത് പൊലീസാണ്. അവർ അതിൽ വീഴ്‌ച വരുത്തിയെങ്കിൽ പൊലീസിനെതിരെ നടപടിയെടുക്കണം. പ്രശ്‌നം വഷളാക്കിയതിൽ പൊലീസിന്‍റെ പങ്കും അന്വേഷിക്കണം. സര്‍ക്കാര്‍ അന്വേഷണം നടത്തി കുറ്റക്കാർക്കെതിരെ നടപടി സ്വീകരിക്കണം. ഏകപക്ഷീയമായി നടപടിയെടുക്കുന്നതിനോട് യോജിപ്പില്ല. റോഡില്‍ അല്ലാതെ പിന്നെവിടെയാണ് ബസ് നിർത്തുകയെന്നും യാത്രക്കാരന്‍റെ മരണത്തിന് കാരണമായ വിധം കെഎസ്‌ആർടിസി ജീവനക്കാർ ഗതാഗത സ്‌തംഭനമുണ്ടാക്കിയിട്ടില്ലെന്നും കാനം രാജേന്ദ്രന്‍ പ്രതികരിച്ചു.
കെഎസ്‌ആർടിസി മിന്നൽ പണിമുടക്കിനെ പിന്തുണച്ച് കാനം രാജേന്ദ്രൻ
