കളമശ്ശേരി: എറണാകുളം ലോക്സഭ മണ്ഡലത്തിലെ കളമശ്ശേരിയിലെ 83-ാം നമ്പർ ബൂത്തിൽ റീപോളിങ്. ഈ മാസം 30ന് രാവിലെ ഏഴ് മുതല്‍ വൈകിട്ട് ആറ് വരെയാണ് റീപോളിങ് നടക്കുന്നത്. 215 വോട്ടര്‍മാരാണ് 83ാം നമ്പർ ബൂത്തില്‍ ആകെ വോട്ട് ചെയ്തത്. എന്നാല്‍ വോട്ടെണ്ണിയപ്പോള്‍ 258 വോട്ടുകള്‍ കണ്ടു. മുന്നണികൾ ഇതേ കുറിച്ച് രേഖാമൂലം പരാതി നല്‍കുകയും കളക്ടറെത്തി വോട്ടിംഗ് യന്ത്രം പ്രത്യേകം സൂക്ഷിക്കുകയും ചെയ്തിരുന്നു. തുടര്‍ന്നാണ് വീണ്ടും പോളിങ് നടത്താന്‍ മുഖ്യ തെരഞ്ഞെടുപ്പ് ഓഫീസര്‍ തീരുമാനിച്ചത്. മോക് പോള്‍ ചെയ്ത വോട്ടുകള്‍ നീക്കം ചെയ്യാത്തതാണ് അധിക വോട്ടുകള്‍ കാണാനിടയായതെന്നാണ് വിശദീകരണം.
കളമശ്ശേരിയിലെ റീപോളിങ് ഈ മാസം 30ന്
