എറണാകുളം: കൊവിഡ് പ്രതിദിന വർധനയിൽ ജില്ല ഇന്ന് ഒന്നാമതെത്തി. 797 പേർക്കാണ് ജില്ലയിൽ രോഗം സ്ഥിരീകരിച്ചത്. 609 പേർക്കും സമ്പർക്കം വഴിയാണ് രോഗം സ്ഥിരീകരിച്ചത്. ഇതിൽ ഉറവിടമറിയാത്തവർ -173 പേരാണുള്ളത്. പതിനൊന്ന് ആരോഗ്യ പ്രവർത്തകർക്കും രോഗം സ്ഥിരീകരിച്ചു.
തൃപ്പൂണിത്തുറ -34, കടുങ്ങല്ലൂർ -33, മരട് - 31, ചെങ്ങമനാട് - 28, ഒക്കൽ -26, കുന്നത്തുനാട് - 22, കിഴക്കമ്പലം - 19 എന്നിങ്ങനെയാണ് കൂടുതലായി രോഗം സ്ഥിരീകരിച്ച പ്രദേശങ്ങൾ. പത്തിൽ കൂടുതൽ രോഗികളുള്ള പതിനൊന്ന് പ്രദേശങ്ങളുണ്ട്.
658 പേർ രോഗ മുക്തി നേടി. ജില്ലയിൽ നിരീക്ഷണത്തിൽ ഉള്ളവരുടെ എണ്ണം 26807 ആണ്. ജില്ലയിൽ കൊവിഡ് സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 9382 ആണ്.
