കൊച്ചി: റോഡരികിലുള്ള അനധികൃത പാർക്കിങിനും കച്ചവടത്തിനുമെതിരെ മോട്ടോർ വാഹന വകുപ്പ് നടപടി ശക്തമാക്കി. ഓണക്കാലയളവിലെ നഗരത്തിലെ തിരക്ക് പരിഗണിച്ചാണ് മോട്ടോർ വാഹന വകുപ്പ് നടപടി തുടങ്ങിയത്. ഇടപ്പള്ളി ടോൾ ജംഗ്ഷൻ മുതൽ പൂക്കാട്ടുപടി വരെയുള്ള റോഡിലെ അനധികൃത പാർക്കിങിനും കച്ചവടത്തിനുമെതിരെ നടപടി സ്വീകരിച്ചു.
നിരവധി വാഹനങ്ങളില്‍ നിന്ന് പിഴ ഈടാക്കി. റോഡരികിലെ അനധികൃത കച്ചവടത്തിനെതിരെയും നടപടി സ്വീകരിച്ചു. വലിയ വാഹനങ്ങളിൽ നിന്ന് ഗ്യാസ് സിലിണ്ടർ റോഡിലിറക്കി ചെറുവാഹനങ്ങൾ കയറ്റിപ്പോകുന്നതിനെതിരെയും നടപടിയുണ്ടായി.
