ആലപ്പുഴ : മാവേലിക്കരയിൽ ക്രിക്കറ്റ് ബാറ്റ് തലയിൽ വീണ് സ്കൂൾ വിദ്യാർഥി മരിച്ചു. ചാരുംമൂട് പുതുപ്പള്ളിക്കുന്ന് വിനോദ് ഭവനിൽ നവനീത് (11) ആണ് മരിച്ചത്. മാവേലിക്കര ചുനക്കര ഗവ. ഹയർ സെക്കൻഡറി സ്‌കൂളിലെ ആറാം ക്ലാസ് വിദ്യാർഥിയാണ് നവനീത്.
ക്രിക്കറ്റ് ബാറ്റ് തലയില്‍ വീണ് വിദ്യാർഥി മരിച്ചു ഭക്ഷണം കഴിച്ചതിനു ശേഷം കൈ കഴുകാൻ പൈപ്പിന് സമീപത്തേക്ക് നടക്കുന്നതിനിടെ മൈതാനത്ത് കളിക്കുകയായിരുന്ന കുട്ടികളുടെ കൈയ്യിൽ നിന്ന് ബാറ്റ് തെറിച്ച് നവനീതിന്റെ കഴുത്തിനു പിന്നിൽ കൊള്ളുകയായിരുന്നു. ബോധരഹിതനായി വീണ നവനീതിനെ സഹപാഠികളും അധ്യാപകരും ചേർന്ന് ഉടൻ ആശുപത്രിയിൽ എത്തിച്ചെങ്കിലും മരണം സംഭവിച്ചു. മൃതദേഹം കായംകുളം സർക്കാർ ആശുപത്രിയിൽ സൂക്ഷിച്ചിരിക്കുകയാണ്.
