ആലപ്പുഴ : പുതിയ സ്വപ്നങ്ങളും പുത്തൻ പ്രതീക്ഷകളുമായി ആഘോഷപൂർവ്വമാണ് പുതുവർഷത്തെ ആലപ്പുഴക്കാർ വരവേറ്റത്. പുതുവർഷ പുലരിയിൽ ആലപ്പുഴ ബീച്ചിൽ സംഘടിപ്പിച്ച പരിപാടിയിൽ പിന്നണി ഗായകൻ അഫ്സലും സംഘവും അവതരിപ്പിച്ച ഗാനമേളയോടെ ബീച്ച് ഫെസ്റ്റ് സമാപിച്ചു. ആലപ്പുഴ കടപ്പുറത്താണ് പ്രധാനമായും പരിപാടികൾ നടന്നത്. ബലൂണുകൾ ആകാശത്തേക്ക് പറത്തി കൊണ്ടാണ് ആലപ്പുഴക്കാർ പുതുവർഷത്തെ സ്വാഗതം ചെയ്തത്. വിദേശികളടക്കം ലക്ഷക്കണക്കിന് ആളുകള്‍ പുതുവർഷാഘോഷങ്ങൾക്ക് ആലപ്പുഴ ബീച്ചിൽ ഒത്തുകൂടി.
പുത്തൻ പ്രതീക്ഷകളുമായി പുതുവർഷത്തെ വരവേറ്റ് ആലപ്പുഴ
ആലപ്പുഴ ബീച്ചിന് പുറമെ മാരാരിക്കുളം, തോട്ടപ്പള്ളി, കായംകുളം, അർത്തുങ്കൽ ബീച്ചുകളിലും പൂച്ചാക്കൽ ഉളവെപ്പിലും പുതുവർഷ ആഘോഷങ്ങൾ സംഘടിപ്പിച്ചു. ഉളവെപ്പ് കാർണിവലിൽ നാടൻപാട്ട് കലാകാരൻ ഊരാളിയും സംഘവും അവതരിപ്പിച്ച ഗാന വിരുന്നും തുടർന്ന് പപ്പാനിയെ കത്തിക്കലും സംഘടിപ്പിച്ചു.
