ശബരിമല വിഷയത്തിൽ കോൺഗ്രസിനും സി.പി.എമ്മിനും ഒരേ നിലപാട്:കുമ്മനം രാജശേഖരൻ

ശബരിമലയുടെ എല്ലാ വിശ്വാസങ്ങളെയും ആചാരങ്ങളെയും സംരക്ഷിക്കുന്ന നിലപാടാണ് ബി.ജെ.പി ആഗ്രഹിക്കുന്നതെന്ന് അദ്ദേഹം പറഞ്ഞു.

ആലപ്പുഴ: ശബരിമല വിഷയത്തിൽ കോൺഗ്രസിനും സി.പി.എമ്മിനും ഒരേ നിലപാടെന്ന് ബിജെപി സംസ്ഥാന മുൻ അധ്യക്ഷൻ കുമ്മനം രാജശേഖരൻ.

ഈ വിഷയത്തിൽ കോൺഗ്രസും സി.പി.എമ്മും ഒരേ നാണയത്തിന്‍റെ ഇരുവശങ്ങളായാണ് പ്രവർത്തിക്കുന്നതെന്നും അദ്ദേഹം ആരോപിച്ചു. ശബരിമലയുടെ എല്ലാ വിശ്വാസങ്ങളെയും ആചാരങ്ങളെയും സംരക്ഷിക്കുന്ന നിലപാടാണ് ബി.ജെ.പി ആഗ്രഹിക്കുന്നതെന്നും രാഷ്ട്രീയക്കാരും സർക്കാരും ഈ വിഷയത്തിൽ കൈകടത്താൻ പാടില്ല എന്ന നിലപാടാണ് ബിജെപിക്കുള്ളതെന്നും കുമ്മനം രാജശേഖരൻ വ്യക്തമാക്കി.