ആലപ്പുഴ: ഇടത് അധ്യാപക സംഘടനയായ കേരള സ്റ്റേറ്റ് ടീച്ചേഴ്സ് അസോസിയേഷന്റെ സംസ്ഥാന തല സമ്മേളനത്തിന് ആലപ്പുഴയിൽ തുടക്കമായി. വൈകിട്ട് ആറിന് ആലപ്പുഴ ഇഎംഎസ് സ്റ്റേഡിയത്തിൽ സ്വാഗതസംഘം ചെയർമാൻ ആർ. നാസർ പതാക ഉയർത്തി സമ്മേളനത്തിന് തുടക്കമിട്ടു. ഫെബ്രുവരി ഒമ്പതിന് നടക്കുന്ന സമാപന സമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.
സിഐടിയു സംസ്ഥാന സെക്രട്ടറി സി.ബി ചന്ദ്രബാബു കൊടിമര ജാഥ വയലാറിൽ ഉദ്ഘാടനം ചെയ്‌തു. ജി. ഭുവനേശ്വരൻ രക്തസാക്ഷി മണ്ഡപത്തിൽ സജി ചെറിയാൻ എംഎൽഎ പതാക ജാഥയും സിഐടിയു സംസ്ഥാന വൈസ് പ്രസിഡന്റ് സി.എസ് സുജാത ദീപശിഖാ ജാഥയും ഉദ്ഘാടനം ചെയ്‌തു. ട്രേഡ് യൂണിയൻ സൗഹൃദ സമ്മേളനം, വനിതാ സമ്മേളനം എന്നിവയും തുടർദിവസങ്ങളിൽ സംഘടിപ്പിച്ചിട്ടുണ്ട്. അഡ്വ. മനു സി.പുളിക്കൽ, എസ്.വി.ബാബു, കെ.എസ്. ശിവദാസൻ വി.ആർ.മഹിളാമണി, പി.എസ്.ശിവാനന്ദൻ, പി.ഡി.ജോഷി, ബി.സന്തോഷ്, കെ. ചിദംബരൻ തുടങ്ങിയവർ സമ്മേളനത്തിൽ സംസാരിച്ചു.
