ആലപ്പുഴ: ചരിത്ര പ്രസിദ്ധമായ ചമ്പക്കുളം മൂലം വള്ളംകളിയില്‍ നടുഭാഗം ചുണ്ടന് രാജപ്രമുഖന്‍ ട്രോഫി. യുബിസി കൈനകരി തുഴഞ്ഞ ചമ്പക്കുളം ചുണ്ടന് രണ്ടാമതെത്തി. കൈപ്പുഴമുട്ട് എന്‍സിഡിസിയുടെ ദേവസ് ചുണ്ടന് മൂന്നാം സ്ഥാനം നേടി. കേരളാ പൊലീസ് ബോട്ട് ക്ലബ് തുഴയെറിഞ്ഞ കാരിച്ചാൽ ചുണ്ടനാണ് ലൂസേഴ്സ് ഫൈനലിൽ വിജയിച്ചത്. ദബേഷ് കുമാർ ബെഹ്റ ഐപിഎസ് ആയിരുന്നു കാരിച്ചാൽ ചുണ്ടനെ നയിച്ചത്. ആറ് ചുണ്ടന് വള്ളങ്ങളാണ് ജലമാമാങ്കത്തില്‍ മാറ്റുരച്ചത്. ചുണ്ടൻ, ഇരുട്ടുകുത്തി, ചുരുളൻ, വെപ്പ് തുടങ്ങിയ വിഭാഗങ്ങളിലായി 21 കളിവള്ളങ്ങൾ മത്സരത്തിനുണ്ടായിരുന്നു. ഇഞ്ചോടിഞ്ച് പോരാട്ടം നടന്ന ചമ്പക്കുളം ജലോത്സവത്തോടെ പുതിയ വള്ളംകളി സീസണും തുടക്കമായി.
ചമ്പക്കുളം വള്ളം കളി: നടുഭാഗം ചുണ്ടന് 'രാജപ്രമുഖന്‍'
