കണ്ണൂർ: ലോകകപ്പ് ആവേശം വാനോളം ഉയരുമ്പോൾ കണ്ണൂരിലെ സിവി രഞ്ജിത്ത് വലിയ തിരക്കിലാണ്. കണ്ണൂരിലെ ദന്ത ഡോക്‌ടർ കൂടിയായ രഞ്ജിത്ത് വെറുമൊരു ഡോക്‌ടർക്കപ്പുറം അസ്സൽ സംഗീത സംവിധായകൻ കൂടിയാണ്. 'ഇറ്റ്സ് ഫുട്ബോൾ ലെറ്റ്സ് ഫുട്ബോൾ ലെറ്റ്സ് ഓൾ ഫുട്ബോൾ' എന്ന വീഡിയോ പുറത്തിറങ്ങുമ്പോൾ ഒരു പക്ഷെ ലോകത്തോടൊപ്പം കണ്ണൂരും ഖത്തറിലോട്ട് പായുമെന്ന് ഉറപ്പാണ്.
ലോകകകപ്പ് വീഡിയോ 10 ദിവസം കൊണ്ടാണ് ഈ കലാകാരനും സംഘവും പുറത്തിറക്കിയത്. ലക്സോട്ടിക്ക ഇന്‍റർനാഷണൽ ആണ് ആൽബത്തിൻ്റെ പ്രൊഡ്യൂസർ. മ്യൂസിക് പ്രൊഡക്ഷൻ അശ്വിൻ ശിവദാസ്. വരികൾ എഴുതിയത് വരുൺ ആണ്.
17 വർഷം മുൻപാണ് രഞ്ജിത്ത് സംഗീത രംഗത്തേക്കിറങ്ങിയത്. സച്ചിൻ ടെൻഡുൽക്കറെ മുൻനിർത്തി 20 ഭാഷകളിൽ രഞ്ജിത്ത് ഇതിനു മുൻപ് ആൽബം പുറത്തിറക്കിയിരുന്നു. കൂടാതെ ടൂറിസം പ്രമോഷൻ കൗൺസിലിന്‍റെ സോംഗ് ഓഫ് കണ്ണൂർ ഹെവൻ ഓഫ് മ്യൂസിക്ക് എന്ന പേരിലും സംഗീതം പുറത്തിറക്കി.
നിന്നിഷ്‌ടം എന്നിഷ്‌ടം 2, തെരുവ് നക്ഷത്രം, എന്നിട്ട്, എന്നീ സിനിമകളിലും ഡോ. രഞ്ജിത്ത് സംഗീതം നൽകി.
