ന്യൂഡല്‍ഹി: ഗുസ്‌തി താരങ്ങളുടെ പ്രതിഷേധം (Wrestlers protest) കത്തുന്നു. ഇന്ത്യയ്ക്കായി ഏഷ്യൻ ഗെയിംസിലും കോമൺവെൽത്ത് ഗെയിംസിലും സ്വർണ മെഡൽ നേടിയ വിനേഷ് ഫോഗട്ട് ദേശീയ പുരസ്‌കാരങ്ങള്‍ ഉപേക്ഷിച്ചു. (Vinesh Phogat leaves Arjuna and Khel Ratna Awards). പ്രധാനമന്ത്രി നരേന്ദ്ര മോദിയുടെ (Narendra modi) വസതിയ്‌ക്ക് സമീപമുള്ള കര്‍ത്തവ്യപഥിലെ നടപ്പാതയിലാണ് വിനേഷ് ഫോഗട്ട് തനിക്ക് ലഭിച്ച അർജുന, ഖേൽരത്‌ന പുരസ്‌കാരങ്ങള്‍ ഉപേക്ഷിച്ചത്.
-
यह दिन किसी खिलाड़ी के जीवन में न आए। देश की महिला पहलवान सबसे बुरे दौर से गुज़र रही हैं। #vineshphogat pic.twitter.com/bT3pQngUuI
— Bajrang Punia 🇮🇳 (@BajrangPunia) December 30, 2023 " class="align-text-top noRightClick twitterSection" data="
">यह दिन किसी खिलाड़ी के जीवन में न आए। देश की महिला पहलवान सबसे बुरे दौर से गुज़र रही हैं। #vineshphogat pic.twitter.com/bT3pQngUuI
— Bajrang Punia 🇮🇳 (@BajrangPunia) December 30, 2023यह दिन किसी खिलाड़ी के जीवन में न आए। देश की महिला पहलवान सबसे बुरे दौर से गुज़र रही हैं। #vineshphogat pic.twitter.com/bT3pQngUuI
— Bajrang Punia 🇮🇳 (@BajrangPunia) December 30, 2023
പ്രധാനമന്ത്രിയുടെ ഓഫീസിന് പുറത്ത് പുരസ്‌കാരങ്ങള്‍ വയ്‌ക്കാന്‍ ശ്രമിച്ച താരത്തെ പൊലീസ് തടഞ്ഞു. ഇതോടെയാണ് കര്‍ത്തവ്യപഥിലെ നടപ്പാതയില്‍ വിനേഷ് പുരസ്‌കാരങ്ങള്‍ വച്ചത്. ഇരു പുരസ്‌കാരങ്ങളും തിരികെ നല്‍കുമെന്ന് 29-കാരിയായ വിനേഷ് കഴിഞ്ഞ ദിവസം പ്രധാനമന്ത്രിയ്‌ക്ക് തുറന്ന കത്ത് എഴുതിയിരുന്നു.
അഖിലേന്ത്യ ഗുസ്‌തി ഫെഡറേഷന്‍ മുന്‍ പ്രസിഡന്‍റ് ബ്രിജ് ഭൂഷണ്‍ ശരണ്‍ സിങ്ങിനെതിരായ ലൈംഗികാതിക്രമണ പരാതിയില്‍ വനിത ഗുസ്‌തി താരങ്ങള്‍ക്ക് നീതി ലഭിക്കാത്തതില്‍ കടുത്ത നിരാശ പ്രകടമാക്കിയായിരുന്നു വിനേഷിന്‍റെ കത്ത്. 'മെഡൽ നേടുമ്പോൾ ഗുസ്‌തി താരങ്ങൾ രാജ്യത്തിന്‍റെ അഭിമാനമായാണ് കണക്കാക്കപ്പെടുന്നത്. എന്നാല്‍ അവർ നീതി ആവശ്യപ്പെട്ടപ്പോൾ രാജ്യദ്രോഹികളായി മുദ്രകുത്തപ്പെടുകയാണ്.
മേജർ ധ്യാൻചന്ദ് ഖേൽരത്‌ന, അർജുന പുരസ്‌കാരങ്ങള്‍ എന്നിവ തനിക്ക് ലഭിച്ചിട്ടുണ്ട്. എന്നാല്‍ ഇവയ്‌ക്ക് തന്‍റെ ജീവിതത്തിൽ യാതൊരു അർത്ഥവുമില്ലാതെയായിരിക്കുന്നു. അഭിമാനത്തോടെ ജീവിക്കാനാണ് എല്ലാ സ്‌ത്രീകളും ആഗ്രഹിക്കുന്നത്. അതിനാല്‍ ഈ പുരസ്‌കാരങ്ങള്‍ ഞാന്‍ തിരികെ നല്‍കുകയാണ്. കാരണം അഭിമാനത്തോടെ ജീവിക്കാനുള്ള ശ്രമത്തില്‍ ഈ പുരസ്‌കാരങ്ങള്‍ തങ്ങള്‍ക്ക് ഒരിക്കലും ഒരു ഭാരമാകരുത്' എന്നായിരുന്നു വിനേഷ് തന്‍റെ കത്തില്‍ തുറന്നടിച്ചത്.
അഖിലേന്ത്യ ഗുസ്‌തി ഫെഡറേഷന്‍റെ തലപ്പത്തേയ്‌ക്ക് ബ്രിജ് ഭൂഷണിന്‍റെ (Brij Bhushan Saran Singh) അനുയായി സഞ്ജയ് സിങ് തെരഞ്ഞെടുക്കപ്പെട്ടതിന് പിന്നാലെ കനത്ത പ്രതിഷേധമായിരുന്നു താരങ്ങള്‍ ഉയര്‍ത്തിയത്. ഒളിമ്പിക് മെഡല്‍ ജേതാവ് സാക്ഷി മാലിക് ഗുസ്‌തിയില്‍ നിന്നും വിരമിക്കല്‍ പ്രഖ്യാപിച്ചു. പിന്നാലെ മറ്റൊരു ഒളിമ്പിക് മെഡല്‍ ജേതാവായ ബജ്റംഗ് പുനിയ തനിക്ക് ലഭിച്ച പത്മശ്രീ പുരസ്‌കാരം തെരുവില്‍ ഉപേക്ഷിച്ചു.
നരേന്ദ്രമോദിയ്‌ക്ക് കത്ത് എഴുതിക്കൊണ്ടായിരുന്നു ബജ്റംഗ് പുനിയ തന്‍റെ പത്മശ്രീ പുരസ്‌കാരം തെരുവില്‍ വച്ചത്. വനിത ഗുസ്‌തി താരങ്ങൾ അപമാനിക്കപ്പെടുമ്പോൾ പത്മശ്രീ ജേതാവായി ജീവിക്കാൻ കഴിയില്ല. സ്‌പോര്‍ട്‌സില്‍ നിന്നും വനിതകള്‍ പിന്മാറേണ്ട സാഹചര്യമാണ് രാജ്യത്ത് നിലവിലുള്ളതെന്നും കത്തില്‍ 29-കാരനായ ബജ്റംഗ് തുറന്നടിച്ചിരുന്നു.
താരങ്ങളുടെ സമരത്തിന് മുന്നില്‍ മുട്ടുമടക്കിയ കേന്ദ്രസര്‍ക്കാര്‍ ഇതിന് പിന്നാലെ അഖിലേന്ത്യ ഗുസ്‌തി ഫെഡറേഷന്‍റെ പുതിയ ഭരണ സമിതിയെ സസ്‌പെന്‍ഡ് ചെയ്യുകയും ചെയ്‌തു. ഫെഡറേഷൻ ഭരണഘടനയുടെ വ്യവസ്ഥകളുടെ ലംഘനമുണ്ടായെന്ന് ചൂണ്ടിക്കാട്ടിയായിരുന്നു നടപടി. നിലവില്‍ സംഘടനയുടെ പ്രവർത്തനങ്ങൾക്കായി മൂന്നംഗ അഡ്‌ഹോക്ക് കമ്മിറ്റിക്ക് ഇന്ത്യൻ ഒളിമ്പിക് അസോസിയേഷൻ രൂപം നൽകിയിട്ടുണ്ട്. ഭൂപീന്ദര്‍ സിങ് ബജ്‌വയുടെ (Bhupinder Singh Bajwa) അധ്യക്ഷതയിലുള്ള കമ്മിറ്റില്‍ എംഎം സൊമായ (M M Somaya), മഞ്ജുഷ കാന്‍വാര്‍ (Manjusha Kanwar) എന്നിവരാണ് അംഗങ്ങള്‍.
ALSO READ: മോദിയും സച്ചിനും അമിതാഭും എവിടെ?; ഗുസ്‌തി താരങ്ങള്‍ക്ക് പിന്തുണയുമായി വിജേന്ദര്‍ സിങ്
