പാരിസ്: ഫ്രഞ്ച് കപ്പ് നിലനിര്‍ത്താനിറങ്ങിയ പി എസ് ജി മോഹങ്ങൾക്ക് തിരിച്ചടി. ഇന്നലെ നടന്ന മല്‍സരത്തില്‍ നീസിനോട് പെനാൽറ്റിയിൽ പരാജയപ്പെട്ടാണ് ഫ്രഞ്ച് വമ്പൻമാർ പുറത്തായത്. നിശ്‌ചിത സമയത്ത് ഗോൾ രഹിതമായ മല്‍സരം പെനാൽറ്റിയിൽ നീസ് 6-5 ന് വിജയിക്കുകയായിരുന്നു.
പി എസ് ജിയില്‍ നിന്ന് നീസില്‍ ലോണില്‍ കളിക്കുന്ന മാർസിൻ ബൾക്കയാണ് പെനാല്‍റ്റിയില്‍ രക്ഷകനായത്. രണ്ട് സ്പോട്ട് കിക്കുകലാണ് ബൾക്ക തടുത്തത്. കളിയുടെ നിശ്‌ചിത സമയത്ത് താരം 11 സേവുകളും നടത്തിയിരുന്നു.
ലയണല്‍ മെസി പി എസ് ജിയില്‍ ആദ്യമായി 10-ാം നമ്പര്‍ ജഴ്സിയില്‍ ഇറങ്ങിയ മല്‍സരമായിരുന്നു. ഈ പരാജയം പരിശീലകൻ പൊച്ചെട്ടിനോക്ക് തലവേദന സൃഷ്‌ടിക്കും.
