'ഞാനവളുടെ പങ്കാളിയാണ് ഉടമയല്ല'; വിവാദത്തില്‍ പ്രതികരണവുമായി ഇര്‍ഫാന്‍ പഠാന്‍

അവളുടെ ജീവിതം അവളുടെ ചോയിസ് ആണെന്ന ഹാഷ്ടാഗും കുറിപ്പിനൊപ്പം ഇര്‍ഫാന്‍‍ നല്‍കിയിട്ടുണ്ട്.

ഹെെദരാബാദ്: സോഷ്യല്‍ മീഡിയയില്‍ വളരെയധികം സജീവമായ താരമാണ് മുന്‍ ഇന്ത്യന്‍ പേസര്‍ ഇര്‍ഫന്‍ പഠാന്‍. പല പൊതുവിഷയങ്ങളിലും ഇര്‍ഫാന്‍ തന്‍റെ അഭിപ്രായം തുറന്നു ഇതുവഴി പറയുകയും ചെയ്യാറുണ്ട്. ഇപ്പോഴിതാ ഭാര്യ സഫയുടെ മുഖം മറച്ച രീതിയില്‍ സോഷ്യല്‍ മീഡിയയില്‍ പങ്കുവെച്ച കുടുംബ ചിത്രത്തിനെതിരെയുള്ള വിദ്വേഷ പ്രചാരണങ്ങള്‍ക്ക് മറുപടിയുമായി എത്തിയിരിക്കുകയാണ് താരം.

• This picture is posted by my queen from my son’s account. We are getting lot of hate.Let me post this here as well.She blurred this pic by her choice. And Yes,I’m her mate not her master;). #herlifeherchoice pic.twitter.com/Xy6CB2kKWA

  — Irfan Pathan (@IrfanPathan) May 25, 2021 " class="align-text-top noRightClick twitterSection" data="

  This picture is posted by my queen from my son’s account. We are getting lot of hate.Let me post this here as well.She blurred this pic by her choice. And Yes,I’m her mate not her master;). #herlifeherchoice pic.twitter.com/Xy6CB2kKWA

  — Irfan Pathan (@IrfanPathan) May 25, 2021

  ">

  This picture is posted by my queen from my son’s account. We are getting lot of hate.Let me post this here as well.She blurred this pic by her choice. And Yes,I’m her mate not her master;). #herlifeherchoice pic.twitter.com/Xy6CB2kKWA

  — Irfan Pathan (@IrfanPathan) May 25, 2021

ഇര്‍ഫാന്‍റെ മകന്‍ ഇമ്രാന്‍ ഇന്‍സ്റ്റഗ്രാം അക്കൗണ്ടില്‍ പോസ്റ്റ് ചെയ്ത കുടുംബ ചിത്രത്തിലാണ് സഫയുടെ മുഖം ബ്ലര്‍ ചെയ്തിരുന്നത്. ഇതോടെ ഭാര്യയുടെ മുഖം പുറത്തുകാണിക്കാന്‍ ഇര്‍ഫാന്‍ സമ്മതിക്കുന്നില്ലെന്നും, സ്ത്രീകളുടെ അവകാശങ്ങളെക്കൂടെ താരം ബഹുമാനിക്കേണ്ടതുണ്ട് എന്ന തരത്തില്‍ വിമര്‍ശനങ്ങളുയര്‍ന്നു. ചിലരാവട്ടെ വിദ്വേഷം ജനിപ്പിക്കുന്ന രീതിയിലായിരുന്നു പ്രസ്തുത വിഷയത്തില്‍ പ്രചാരണം നടത്തിയത്.

ഇതോടെയാണ് ഇത്തരം വിമര്‍ശനങ്ങള്‍ക്ക് തന്‍റെ ട്വിറ്റര്‍ അക്കൗണ്ടിലൂടെ മറുപടിയുമായി ഇര്‍ഫാന്‍ രംഗത്തെത്തിയത്. വിവാദമായ കുടുംബചിത്രം വീണ്ടും പങ്കുവെച്ചുകൊണ്ടായിരുന്നു ഇത്. താന്‍ ഭാര്യയുടെ ഉടമയല്ലെന്നും പങ്കാളി മാത്രമാണെന്നും പറയുന്ന കുറിപ്പില്‍ മകന്‍റെ ഇന്‍സ്റ്റഗ്രാം അക്കൗണ്ടില്‍ നിന്ന് ഭാര്യ സഫ തന്നെയാണ് ഈ ചിത്രം പോസ്റ്റ് ചെയ്തതെന്ന് ഇര്‍ഫാന്‍ പറയുന്നു. അവളുടെ ജീവിതം അവളുടെ ചോയിസ് ആണെന്ന ഹാഷ്ടാഗും കുറിപ്പിനൊപ്പം ഇര്‍ഫാന്‍‍ നല്‍കിയിട്ടുണ്ട്. ഇതോടെ ചിത്രത്തിന് പിന്തുണയുമായി നിരവധിപേര്‍ രംഗത്ത് എത്തിയിട്ടുണ്ട്.