ബർലിൻ: ജർമന്‍ ഓപ്പൺ ബാഡ്‌മിന്‍റണ്‍ ടൂര്‍ണമെന്‍റിന്‍റെ സെമിയിൽ പ്രവേശിച്ച് ഇന്ത്യൻ താരം ലക്ഷ്യ സെൻ. ക്വാർട്ടർ ഫൈനലിൽ ഇന്ത്യയുടെ തന്നെ എച്ച് എസ് പ്രണോയിയെ നേരിട്ടുള്ള സെറ്റുകൾക്ക് തകർത്താണ് ലക്ഷ്യയുടെ സെമി പ്രവേശനം. സ്കോർ: 21-15, 21-16.
വെറും 39 മിനിട്ട് മാത്രം നീണ്ടുനിന്ന മത്സരത്തിൽ പ്രണോയിയെ ഒരുഘട്ടത്തിലും സെൻ മുന്നേറാൻ അനുവദിച്ചില്ല. സെമിയിൽ ഒന്നാം സീഡായ ഡെൻമാർക്കിന്‍റെ വിക്‌ടർ അക്‌സൽസെനാണ് ലക്ഷ്യ സെന്നിന്‍റെ എതിരാളി.
ALSO READ: രാജസ്ഥാൻ റോയൽസിന് കരുത്തേകാൻ യോർക്കർ കിങ്; ലസിത് മലിംഗ ഫാസ്റ്റ് ബോളിങ് പരിശീലകൻ
മറ്റൊരു ക്വാർട്ടറിൽ ഇന്ത്യയുടെ സൂപ്പർ താരം കിഡംബി ശ്രീകാന്ത് തോൽവിയോടെ പുറത്തായി. ഡാനിഷ്‌ താരം വിക്‌ടർ അക്‌സൽസെനാണ് ശ്രീകാന്തിനെ നേരിട്ടുള്ള ഗെയിമുകൾക്ക് തകർത്തത്. സ്കോർ: 21-10, 23-21.
