ഹാങ്‌ചോ: ഏഷ്യൻ ഗെയിംസിൽ ഇന്ത്യക്ക് നാലാം സ്വർണം. വനിതകളുടെ 25 മീറ്റർ പിസ്റ്റൾ ടീം ഇനത്തിലാണ് സ്വർണനേട്ടം (Asian Games 2023 India wins Gold in Shooting). മനു ഭാക്കർ, ഇഷ സിങ്, റിഥം സാങ്‌വാൻ (Manu Bhaker, Esha Singh and Rhythm Sangwan) എന്നിവരടങ്ങിയ ടീം 1759 പോയിന്‍റോടെയാണ് പോഡിയത്തിലേറിയത്. 1756 പോയിന്‍റുമായി ചൈന വെള്ളി മെഡൽ നേടിയപ്പോൾ 1742 പോയിന്‍റ് നേടിയ ദക്ഷിണ കൊറിയ വെങ്കലം സ്വന്തമാക്കി.
വനിതകളുടെ 50 മീറ്റർ റൈഫിൾ 3 പൊസിഷൻ വിഭാഗതത്തിൽ വെള്ളി മെഡൽ നേട്ടത്തിന് പിന്നാലൊണ് ഇന്ത്യയുടെ സ്വർണനേട്ടം. 1764 പോയിന്‍റുമായി ആഷി ചൗക്‌സി, മാനിനി കൗഷിക്, സിഫ്റ്റ് കൗർ സംര എന്നിവരാണ് രണ്ടാം സ്ഥാനത്തെത്തിയത്. ഈ വിഭാഗത്തിൽ ആതിഥേയരായ ചൈന സ്വർണം നേടിയപ്പോൾ, ദക്ഷിണ കൊറിയയാണ് മൂന്നാമതായി ഫിനിഷ് ചെയ്‌തത്.
