മുംബൈ: വനിത പ്രീമിയര്‍ ലീഗ് 2024 (WPL 2024 Auction) താരലേലത്തില്‍ മലയാളിയായ എസ് സജ്‌നയെ ( S Sajana) കൂടാരത്തിലെത്തിച്ച് മുംബൈ ഇന്ത്യന്‍സ്. 10 ലക്ഷം രൂപ അടിസ്ഥാന വിലയുണ്ടായിരുന്ന താരത്തിനായി ഡല്‍ഹി ക്യാപിറ്റല്‍സും രംഗത്തുണ്ടായിരുന്നു. 15 ലക്ഷത്തിനാണ് സജ്‌നയെ മുംബൈ സ്വന്തമാക്കിയത്. അണ്‍ക്യാപ്‌ഡ് താരമായ കാശ്‌വീ ഗൗതത്തിന് (Kashvee Gautam) ഗുജറാത്ത് ജയന്‍റ്‌സ് രണ്ട് കോടി രൂപ മുടക്കിയതാണ് ലേലത്തില്‍ ഏറ്റവും ശ്രദ്ധേയമായത്.
10 ലക്ഷം രൂപ അടിസ്ഥാന വിലയുണ്ടായിരുന്ന കാശ്‌വീ ഗൗതത്തിനായി യുപി വാരിയേഴ്‌സില്‍ നിന്നും കനത്ത വെല്ലുവിളിയായിരുന്നു ഗുജറാത്ത് ജയന്‍റ്‌സിന് നേരിടേണ്ടി വന്നത്. (Kashvee Gautam being sold to Gujarat Giants for Rs 2 crore) അൺക്യാപ്‌ഡ്‌ താരങ്ങളില്‍ നേട്ടമുണ്ടാക്കിയ മറ്റൊരു താരം കർണാടക ബാറ്റർ വൃന്ദ ദിനേശാണ്.
10 ലക്ഷം രൂപ അടിസ്ഥാന വിലയുണ്ടായിരുന്ന 22 കാരിയ്‌ക്കായി യുപി വാരിയേഴ്‌സ് 1.30 കോടി രൂപയാണ് മുടക്കിയത്. ഇംഗ്ലണ്ട് എയ്‌ക്കെതിരായ പരമ്പരയില്‍ ഇന്ത്യ എയ്‌ക്കായി ഇരുവരും അടുത്തിടെ കളത്തിലിറങ്ങിയിരുന്നു. വിദേശതാരങ്ങളില്‍ ഓസ്ട്രേലിയന്‍ ഓള്‍റൗണ്ടര്‍ അനബെല്ല സതര്‍ലൻഡാണ് പണം കൊയ്‌തത്. 40 ലക്ഷം രൂപ അടിസ്ഥാന വിലയുണ്ടായിരുന്ന 22-കാരിയെ രണ്ട് കോടി നല്‍കി ഡല്‍ഹി ക്യാപിറ്റല്‍സാണ് സ്വന്തമക്കിയത്. (Annabel Sutherland being sold to Delhi Capitals for Rs 2 crore).
ലേലത്തില്‍ ആകെ 165 താരങ്ങളായിരുന്നു രജിസ്റ്റര്‍ ചെയ്‌തത്. ഇതില്‍ ഒമ്പത് വിദേശ താരങ്ങളടക്കം ആകെ 30 പേരെയാണ് വിവിധ ടീമുകള്‍ വാങ്ങിയിരിക്കുന്നത്. മലയാളികളായ നാജില സിഎംസി, കീർത്തി ജെയിംസ്, ദൃശ്യ ഐവി എന്നിവരെ ആരും വാങ്ങിയില്ല. കേരള ക്യാപ്റ്റന്‍ മിന്നു മണിയെ നേരത്തെ ഡല്‍ഹി ക്യാപിറ്റല്‍ നിലനിര്‍ത്തിയിരുന്നു. വനിത പ്രീമയര്‍ ലീഗ് 2024 സീസണിലേക്കായി ഒരോ ഫ്രാഞ്ചൈസിയും വാങ്ങുകയും നിലനിര്‍ത്തുകയും ചെയ്‌ത താരങ്ങളെ അറിയാം. (WPL 2024 Auction Full list of sold players)
- ഡല്‍ഹി കാപിറ്റല്‍സ് വനിത ടീം (Delhi Capitals)
നിലനിര്‍ത്തിയ താരങ്ങള്‍: മെഗ് ലാനിങ്, ആലിസ് കാപ്‌സി, അരുന്ധതി റെഡ്ഡി, ജെസ് ജൊനാസന്‍, ലോറ ഹാരിസ്, മാരിസെയ്‌ന്‍ കാപ്, പൂനം യാദവ്, രാധാ യാദവ്, ഷെഫാലി വെര്‍മ, ശിഖ പാണ്ഡെ, സ്നേഹ ദീപ്‌തി, തനിയ ഭാട്ടിയ, ടിറ്റാസ് സധു, മിന്നു മണി (Minnu Mani), ഷഫാലി വെര്‍മ, ജെര്‍മിയ റോഡ്രിഗസ്.
ലേലത്തില്‍ വാങ്ങിയ താരങ്ങള്‍: അനബെല്ല സതര്ലൻഡ് (2 കോടി), അപർണ മണ്ഡല് (10 ലക്ഷം), അശ്വനി കുമാരി (10 ലക്ഷം).
- റോയല്‍ ചലഞ്ചേഴ്‌സ് ബാംഗ്ലൂര്‍ വനിത ടീം (Royal Challengers Bangalore)
നിലനിര്‍ത്തിയ താരങ്ങള്‍: ആശാ ശോഭന, ദിഷ കസത്, എല്ലിസ് പെറി, ഹീതർ നൈറ്റ്, ഇന്ദ്രാണി റോയ്, കനിക അഹൂജ, രേണുക സിങ്‌, റിച്ച ഘോഷ്, ശ്രേയങ്ക പാട്ടീൽ, സ്മൃതി മന്ദാന, സോഫി ഡിവിൻ.
ലേലത്തില്‍ വാങ്ങിയ താരങ്ങള്‍: ജോർജിയ വെയർഹാം (40 ലക്ഷം), കേറ്റ് ക്രോസ് (30 ലക്ഷം), ഏക്താ ബിഷ്ത് (60 ലക്ഷം), ശുഭ സതീഷ് (10 ലക്ഷം), എസ് മേഘന (30 ലക്ഷം), സിമ്രാൻ ബഹാദൂർ (30 ലക്ഷം), സോഫി മോലിനക്സ് (10 ലക്ഷം)
- യുപി വാരിയേഴ്‌സ് (UP Warriorz)
നിലനിര്‍ത്തിയ താരങ്ങള്‍: അലീസ ഹീലി, ദീപ്‌തി ശര്‍മ, ഗ്രേസ് ഹാരിസ്, അഞ്ജലി ശര്‍വാണി, കിരണ്‍ നവ്ഗിരെ, സോഫി എക്‌ലസ്റ്റോണ്‍, താഹില മക്ഗ്രാത്ത്, ശ്വേത സെഹ്‌റാവത്ത്, രാജേശ്വരി ഗെയ്‌ക്‌വാദ്, ലോറന്‍ ബെല്‍, ലക്ഷ്‌മി യാദവ്, യഷശ്രി, പര്‍ഷ്വി ചോപ്ര.
ലേലത്തില്‍ വാങ്ങിയ താരങ്ങള്‍: ഡാനി വ്യാറ്റ് (30 ലക്ഷം), വൃന്ദ ദിനേഷ് (1.3 കോടി), പൂനം ഖേംനാർ (10 ലക്ഷം), സൈമാൻ താക്കൂർ (10 ലക്ഷം), ഗൗൻഹർ സുൽത്താന (30 ലക്ഷം)
- മുംബൈ ഇന്ത്യന്‍സ് വനിത ടീം (Mumbai Indians)
നിലനിര്‍ത്തിയ താരങ്ങള്‍: ഹര്‍മന്‍പ്രീത് കൗര്‍, ഹെയ്‌ലി മാത്യൂസ്, അമേലിയ കെർ, അമൻജോത് കൗർ, ക്ലോ ട്രയോൺ, നതാലി സ്‌കിവര്‍, പൂജ വസ്ത്രകർ, സൈക ഇഷാഖ്, യാസ്തിക ഭാട്ടിയ, ഹുമൈറ കാസി, ഇസബെല്ലെ വോങ്, ജിന്‍റിമണി കലിത, പ്രിയങ്ക ബാല.
ലേലത്തില്‍ വാങ്ങിയ താരങ്ങള്‍: ഷബ്നം ഇസ്മായിൽ (1.2 കോടി), എസ് സജ്‌ന (15 ലക്ഷം), അമൻദീപ് കൗർ (10 ലക്ഷം), ഫാത്തിമ സഫർ (10 ലക്ഷം), കീർത്തന ബാലകൃഷ്ണൻ (10 ലക്ഷം).
- ഗുജറാത്ത് ജയന്‍റ്‌സ് (Gujarat Giants)
നിലനിര്‍ത്തിയ താരങ്ങള്‍: ആഷ്‌ലി ഗാര്‍ഡ്‌നെര്‍, ഹര്‍ലീന്‍ ഡിയോള്‍, ബെത് മൂണി, സ്നേഹ റാണ, തനൂജ് കണ്‍വീര്‍, ലോറ വോൾവാർഡ്, ദയാൻ ഹേമലത, ഷബ്നം ഷക്കീൽ, തനൂജ് കൺവീർ.
ലേലത്തില്‍ വാങ്ങിയ താരങ്ങള്‍: ഫോബ് ലിച്ച്ഫീൽഡ് (1 കോടി), മേഘ്‌ന സിങ്‌ (30 ലക്ഷം), തൃഷ പൂജിത (10 ലക്ഷം), കേശവീ ഗൗതം (2 കോടി), പ്രിയ മിശ്ര (20 ലക്ഷം), ലോറൻ ചീറ്റിൽ (30 ലക്ഷം), കാത്രിൻ ബ്രൈസ് (10 ലക്ഷം), മന്നത്ത് കശ്യപ് (10 ലക്ഷം). വേദ കൃഷ്ണമൂർത്തി (30 ലക്ഷം), തരന്നു പത്താൻ (10 ലക്ഷം).
ALSO READ: റണ്‍മല കയറാനാകാതെ മഹാരാഷ്ട്ര, വിജയ് ഹസാരെ ട്രോഫിയില്‍ കേരളം ക്വാര്‍ട്ടറില്‍
