ട്രിനിഡാഡ്: വെസ്റ്റ് ഇന്‍ഡീസിനെതിരായ (West Indies) ഏകദിന പരമ്പര വിജയത്തിന് ശേഷം നായകന്‍ ഹര്‍ദിക് പാണ്ഡ്യ (Hardik Pandya) വച്ച് നീട്ടിയ ട്രോഫി വാങ്ങാന്‍ വിസമ്മതിച്ച് സഞ്ജു സാംസണ് (Sanju Samson). മത്സര ശേഷം ടീം അംഗങ്ങള്‍ ഫോട്ടോയ്‌ക്ക് പോസ് ചെയ്യുമ്പോഴായിരുന്നു സംഭവം. ട്രോഫി വാങ്ങാന്‍ കൂട്ടാക്കാതിരുന്ന സഞ്ജു കിരീടം പുതുമുഖ താരം മുകേഷ് കുമാറിന് (Mukesh Kumar) നല്‍കാന്‍ ആവശ്യപ്പെടുന്ന ദൃശ്യങ്ങൾ സാമൂഹിക മാധ്യമങ്ങളില്‍ പ്രചരിക്കുന്നുണ്ട്.
-
Sanju Samson didn't took trophy from Hardik Pandya but he signal towards Mukesh Kumar during trophy celebration. India vs West Indies series pic.twitter.com/D54dR1Uxwx
— Bharat Thapa (@BharatT63903695) August 2, 2023 " class="align-text-top noRightClick twitterSection" data="
">Sanju Samson didn't took trophy from Hardik Pandya but he signal towards Mukesh Kumar during trophy celebration. India vs West Indies series pic.twitter.com/D54dR1Uxwx
— Bharat Thapa (@BharatT63903695) August 2, 2023Sanju Samson didn't took trophy from Hardik Pandya but he signal towards Mukesh Kumar during trophy celebration. India vs West Indies series pic.twitter.com/D54dR1Uxwx
— Bharat Thapa (@BharatT63903695) August 2, 2023
ട്രിനിഡാഡിലെ ബ്രയാന്‍ ലാറ ക്രിക്കറ്റ് അക്കാദമി സ്റ്റേഡിയത്തില്‍ നടന്ന ഏകദിന പരമ്പരയിലെ മൂന്നാം മത്സരത്തില്‍ 200 റണ്‍സിന്‍റെ വമ്പന്‍ ജയമാണ് ഇന്ത്യന്‍ ടീം ആതിഥേയര്‍ക്കെതിരെ സ്വന്തമാക്കിയത്. വിരാട് കോലി (Virat Kohli), രോഹിത് ശര്‍മ (Rohit Sharma) എന്നിവരില്ലാതെ ഇറങ്ങിയ ടീം ഇന്ത്യ ജയത്തോടെ പരമ്പരയും സ്വന്തമാക്കിയിരുന്നു. സീനിയര്‍ താരങ്ങളില്ലാതെ പരമ്പരയിലെ രണ്ടാം മത്സരത്തിന് ഇറങ്ങിയപ്പോള്‍ തോല്‍വി ആയിരുന്നു ഫലം.
വിന്‍ഡീസ് പരമ്പരയില്‍ രണ്ടാം മത്സരത്തിലാണ് സഞ്ജു സാംസണ് ആദ്യമായി അവസരം ലഭിച്ചത്. എന്നാല്‍, ഈ മത്സരത്തില്‍ താരത്തിന് ലഭിച്ച അവസരം മുലതെടുക്കാന്‍ കഴിഞ്ഞില്ല. മൂന്നാമനായി ക്രീസിലെത്തിയ താരം 19 പന്ത് നേരിട്ട് 9 റണ്‍സായിരുന്നു നേടിയത്.
പിന്നാലെ, സഞ്‌ജുവിനെ മൂന്നാം നമ്പറില്‍ കളിപ്പിച്ചതിനെ വിമര്‍ശിച്ച് ആരാധകരും രംഗത്തെത്തിയിരുന്നു. പരമ്പരയിലെ അവസാന മത്സരത്തില്‍ സഞ്‌ജുവിന് ടീമില്‍ സ്ഥാനം ലഭിച്ചേക്കില്ലെന്നാണ് ആരാധകര്‍ പ്രതീക്ഷിച്ചിരുന്നത്. എന്നാല്‍, രോഹിതും കോലിയും വിട്ടുനിന്നതോടെ സഞ്‌ജുവിന് മത്സരത്തില്‍ വീണ്ടും അവസരം ലഭിച്ചു.
ഈ മത്സരത്തില്‍ നാലാമാനായി ബാറ്റ് ചെയ്യാനെത്തിയ സഞ്ജു അര്‍ധസെഞ്ച്വറി നേടിക്കൊണ്ട് തന്‍റെ മികവ് തെളിയിച്ചു. 41 പന്തില്‍ 51 റണ്‍സ് നേടിയായിരുന്നു സഞ്ജു പുറത്തായത്. നാല് സിക്‌സും രണ്ട് ഫോറും അടങ്ങിയതായിരുന്നു താരത്തിന്‍റെ ഇന്നിങ്‌സ്.
സഞ്ജു ഉള്‍പ്പടെ നാല് പേരായിരുന്നു മത്സരത്തില്‍ ഇന്ത്യയ്‌ക്കായി അര്‍ധസെഞ്ച്വഫി അടിച്ചെടുത്തത്. ശുഭ്‌മാന്‍ ഗില്‍ (85), ഇഷാന്‍ കിഷന്‍ (77), ക്യാപ്‌റ്റന്‍ ഹര്‍ദിക് പാണ്ഡ്യ (70) എന്നിവരായിരുന്നു ഇന്ത്യയുടെ ടോപ്‌ സ്‌കോറര്‍മാര്‍. ഇവരുടെ ബാറ്റിങ് കരുത്തില്‍ അഞ്ച് വിക്കറ്റ് നഷ്‌ടത്തില്‍ 351 റണ്‍സാണ് ടീം ഇന്ത്യ നേടിയത്.
മറുപടി ബാറ്റിങ്ങില്‍ 35.3 ഓവറില്‍ 151 റണ്‍സില്‍ വിന്‍ഡീസ് ഓള്‍ഔട്ട് ആകുകയായിരുന്നു. ഇന്ത്യയ്‌ക്ക് വേണ്ടി ശര്‍ദുല്‍ താക്കൂര്‍ നാലും മുകേഷ് കുമാര്‍ മൂന്നും വിക്കറ്റുകളാണ് നേടിയത്. ഇതിന് പിന്നാലെയായിരുന്നു പരമ്പര ജയത്തിന്‍റെ ആഘോഷത്തിനിടെയുള്ള സഞ്ജുവിന്‍റെ ശ്രദ്ധേയമായ പെരുമാറ്റം.
Also Read : Sanju Samson | 'സഞ്ജു ചേട്ടൻ അടിപൊളിയല്ലേ'... സിക്‌സർ വീഡിയോയുമായി രാജസ്ഥാൻ റോയല്‍സിന്‍റെ ട്വീറ്റ്
