ന്യൂഡല്‍ഹി: മുൻ ഇന്ത്യൻ നായകൻ രാഹുല്‍ ദ്രാവിഡിനെ ഇന്ത്യൻ പുരുഷ ക്രിക്കറ്റ് ടീമിന്‍റെ പരിശീലകനായി നിയമിച്ചു. ടി20 ലോകകപ്പിന് ശേഷം നടക്കുന്ന ന്യൂസിലൻഡിന് എതിരായ ക്രിക്കറ്റ് പരമ്പരയില്‍ ദ്രാവിഡ് പരിശീലകനായി സ്ഥാനമേല്‍ക്കും. കാലാവധി അവസാനിക്കുന്ന രവിശാസ്ത്രിക്ക് പകരക്കാരനായാണ് ദ്രാവിഡ് വരുന്നത്. ബിസിസിഐ ട്വീറ്റിലൂടെയാണ് ഇക്കാര്യം അറിയിച്ചത്.
ഇന്ത്യൻ പുരുഷ ടീമിന്‍റെ പരിശീലക ചുമതല ഏറ്റെടുക്കണമെന്ന ബിസിസിഐയുടെ ആവശ്യം നേരത്തെ ദ്രാവിഡ് നിരസിച്ചിരുന്നു. കുടുംബപരമായ വിഷയങ്ങളും മക്കളുടെ പഠനവും ചൂണ്ടിക്കാട്ടിയാണ് ദ്രാവിഡ് പരിശീലക കുപ്പായം നിരസിച്ചത്. എന്നാല്‍ ബിസിസിഐ പ്രസിഡന്‍റ് സൗരവ് ഗാംഗുലി, സെക്രട്ടറി ജയ്‌ ഷാ എന്നിവർ ദ്രാവിഡുമായി സംസാരിച്ചിരുന്നു. ഇതേ തുടർന്നാണ് മുൻ ഇന്ത്യൻ നായകൻ മനസ് മാറ്റിയത്.
-
🚨 NEWS 🚨: Mr Rahul Dravid appointed as Head Coach - Team India (Senior Men)
— BCCI (@BCCI) November 3, 2021 " class="align-text-top noRightClick twitterSection" data="
More Details 🔽
">🚨 NEWS 🚨: Mr Rahul Dravid appointed as Head Coach - Team India (Senior Men)
— BCCI (@BCCI) November 3, 2021
More Details 🔽🚨 NEWS 🚨: Mr Rahul Dravid appointed as Head Coach - Team India (Senior Men)
— BCCI (@BCCI) November 3, 2021
More Details 🔽
പരിശീലകനാകാനുള്ള അപേക്ഷ അവസാന ദിവസമാണ് രാഹുല്‍ ദ്രാവിഡ് നല്‍കിയത്. പരിശീലന സ്ഥാനത്തേക്ക് വർഷങ്ങളായി ബിസിസിഐ പരിഗണിക്കുന്ന വ്യക്തിയാണ് ദ്രാവിഡ്. സീനിയർ ടീമിന്‍റെ പരിശീലക ജോലി നിരസിച്ചെങ്കിലും അണ്ടർ 19, ഇന്ത്യ എ ടീമുകളുടെ പരിശീലകനായി ദ്രാവിഡ് സജീവമായിരുന്നു.
ദേശീയ ക്രിക്കറ്റ് അക്കാദമിയുടെ തലവനായി ജോലി ചെയ്യുന്നതിനിടെയാണ് ഇന്ത്യൻ പുരുഷ സീനിയർ ടീമിന്‍റെ പരിശീലക സ്ഥാനത്തേക്ക് രാഹുല്‍ എത്തുന്നത്.
