വെല്ലിങ്‌ടണ്‍: ഏകദിന ലോകകപ്പ് (ODI World Cup 2023) പൂരം ആരംഭിക്കാന്‍ ഇനി ദിവസങ്ങള്‍ മാത്രമാണ് ബാക്കി. ആതിഥേയരായ ഇന്ത്യ (India), നിലവിലെ ചാമ്പ്യന്മാരയ ഇംഗ്ലണ്ട് (England), മുന്‍ ചാമ്പ്യന്മാരായ ഓസ്‌ട്രേലിയ (Australia) എന്നീ ടീമുകളെല്ലാം നേരത്തെ തന്നെ തങ്ങളുടെ ലോകകപ്പ് സ്ക്വാഡിനെ പ്രഖ്യാപിച്ചിരുന്നു. ഇന്ന് (സെപ്‌റ്റംബര്‍ 11) പുലര്‍ച്ചെയോടെയാണ് ലോകകപ്പില്‍ കഴിഞ്ഞ വര്‍ഷത്തെ റണ്ണര്‍ അപ്പുകളായ ന്യൂസിലന്‍ഡ് (New Zealand Squad For ODI World Cup 2023) തങ്ങളുടെ ലോകകപ്പ് സ്ക്വാഡിനെ പ്രഖ്യാപിച്ചത്.
വാര്‍ത്താസമ്മേളനം നടത്തിയാണ് പല ടീമുകളും ലോകകപ്പ് സ്ക്വാഡിനെ പ്രഖ്യാപിച്ചത്. എന്നാല്‍, സ്ക്വാഡ് അനൗണ്‍സ്‌മെന്‍റിന് വ്യത്യസ്‌തമായ ശൈലിയായിരുന്നു ന്യൂസിലന്‍ഡ് ക്രിക്കറ്റ് ബോര്‍ഡ് തെരഞ്ഞെടുത്തത്. 2023 ലോകകപ്പ് സ്‌ക്വാഡില്‍ ആരെല്ലാമാണ് ഉള്ളതെന്ന വിവരം ആദ്യം ഔദ്യോഗിക പ്രസ്‌താവനയിലൂടെ ആയിരുന്നു ന്യൂസിലന്‍ഡ് പുറത്തുവിട്ടത്.
ഇതിന് പിന്നാലെ, മറ്റൊരു വീഡിയോ അവര്‍ തങ്ങളുടെ സോഷ്യല്‍ മീഡിയ പേജുകളില്‍ പോസ്റ്റ് ചെയ്യുകയുണ്ടായി (New Zealand ODI WC Squad Introduction Video). 15 അംഗ ലോകകപ്പ് സ്‌ക്വാഡില്‍ ഉള്‍പ്പെട്ടിട്ടുള്ള താരങ്ങള്‍ ആരെല്ലാമാണെന്ന് അവരുടെ കുടുംബാംഗങ്ങള്‍ ഓരോരുത്തരായി പറയുന്നതാണ് വീഡിയോയില്‍. താരങ്ങളുടെ ക്യാപ്‌ നമ്പരും പേരുമാണ് വീഡിയോയില്‍ പ്രത്യക്ഷപ്പെടുന്ന ഓരോ ആളുകളും പറയുന്നത്.
ഒരു മിനിട്ട് 38 സെക്കന്‍ഡ് മാത്രം ദൈര്‍ഘ്യമുള്ള വീഡിയോയില്‍ ആദ്യം നായകന്‍ കെയ്‌ന്‍ വില്യംസണിന്‍റെ കുടുംബമാണ് പ്രത്യക്ഷപ്പെടുന്നത്. പിന്നാലെ ട്രെന്‍റ് ബോള്‍ട്ടിന്‍റെ കുട്ടികളെയും കാണിക്കും. തുടര്‍ന്ന് ഓരോ താരങ്ങളുടെ പേരും ക്യാപ്‌ നമ്പറും പറഞ്ഞ് അവരുടെ ഭാര്യമാരും കുട്ടികളുമെല്ലാം വീഡിയോയില്‍ പ്രത്യക്ഷപ്പടുന്നുണ്ട്.
-
Our 2023 @cricketworldcup squad introduced by their number 1 fans! #BACKTHEBLACKCAPS #CWC23 pic.twitter.com/e7rgAD21mH
— BLACKCAPS (@BLACKCAPS) September 11, 2023 " class="align-text-top noRightClick twitterSection" data="
">Our 2023 @cricketworldcup squad introduced by their number 1 fans! #BACKTHEBLACKCAPS #CWC23 pic.twitter.com/e7rgAD21mH
— BLACKCAPS (@BLACKCAPS) September 11, 2023Our 2023 @cricketworldcup squad introduced by their number 1 fans! #BACKTHEBLACKCAPS #CWC23 pic.twitter.com/e7rgAD21mH
— BLACKCAPS (@BLACKCAPS) September 11, 2023
ഏകദിന ലോകകപ്പിനുള്ള ന്യൂസിലന്‍ഡ് സ്ക്വാഡ്: കെയ്‌ന്‍ വില്യംസണ്‍ (ക്യാപ്‌റ്റന്‍), ഡെവോണ്‍ കോണ്‍വേ, വില്‍ യങ്, മാര്‍ക്ക് ചാപ്‌മാന്‍, ടോം ലാഥം (വൈസ്‌ ക്യാപ്‌റ്റന്‍/വിക്കറ്റ് കീപ്പര്‍), ഗ്ലെന്‍ ഫിലിപ്‌സ്, ജിമ്മി നീഷം, ഡാരില്‍ മിച്ചല്‍, മിച്ചല്‍ സാന്‍റ്‌നര്‍, ടിം സൗത്തി, ഇഷ് സോധി, ട്രെന്‍റ് ബോള്‍ട്ട്, മാറ്റ് ഹെൻറി, ലോക്കി ഫെര്‍ഗൂസണ്‍, രചിന്‍ രവീന്ദ്ര.
New Zealand ODI WC Squad 2023: Kane Williamson (captain), Devon Conway, Will Young, Mark Chapman, Tom Latham (vc/wk), Glenn Phillips, Jimmy Neesham, Daryl Mitchell, Mitchell Santner, Tim Southee, Ish Sodhi, Trent Boult, Matt Henry, Lockie Ferguson, Rachin Ravindra.
