ജയ്‌പൂര്‍: ക്രിക്കറ്റ് താരങ്ങള്‍ക്കിടയില്‍ നിരവധി ആരാധകരുള്ള ഒരാളാണ് രാജസ്ഥാന്‍ റോയല്‍സ് നായകന്‍ സഞ്ജു സാംസണ്‍. സൗമ്യമായ പെരുമാറ്റം കൊണ്ടാണ് സഞ്ജു ആരാധക മനസില്‍ സ്ഥാനം പിടിച്ചത്. മലയാളികള്‍ക്ക് പുറമെ രാജസ്ഥാന്‍ റോയല്‍സ് ആരാധകരുടെയും ഇഷ്‌ടതാരം ഇപ്പോള്‍ സഞ്ജു സാംസണ്‍ ആണ്.
ചെന്നൈ സൂപ്പര്‍ കിങ്‌സിനെ തങ്ങളുടെ ഹോം ഗ്രൗണ്ടായ സവായ് മാന്‍സിങ് സ്റ്റേഡിയത്തില്‍ നേരിടാനുള്ള ഒരുക്കത്തിലാണ് ഇപ്പോള്‍ രാജസ്ഥാന്‍ റോയല്‍സ് ടീം. ഇതിന്‍റെ ഭാഗമായി ടീം കഴിഞ്ഞ ദിവസം ജയ്‌പൂരിലെ മൈതാനത്ത് പതിവ് പരിശീലനങ്ങള്‍ക്കായെത്തി. പരിശീലനം മതിയാക്കി ടീം മടങ്ങാറായപ്പോള്‍ പതിവ് പോലെ പ്രിയ താരങ്ങള്‍ക്കൊപ്പം സെല്‍ഫിയെടുക്കാന്‍ അവിടെയെത്തിയ ആരാധകരുടെ തിക്കും തിരക്കുമായി.
രാജസ്ഥാന്‍ നായകന്‍ സഞ്ജു സാംസണിനൊപ്പം ചിത്രം പകര്‍ത്താനും ആരാധകര്‍ അക്ഷമരായി കാത്ത് നിന്നു. ഈ സമയം മൈതാനത്തെ കമ്പിവേലിക്ക് പുറത്ത് നിന്ന ആരാധകരരെ നിരാശപ്പെടുത്താന്‍ അവരുടെ നായകനും തയ്യാറായില്ല. ആരാധകര്‍ വച്ച് നീട്ടിയ മൊബൈല്‍ ഫോണ്‍ വാങ്ങി ഓരോരുത്തര്‍ക്കായി സഞ്ജു ചിത്രം പകര്‍ത്തി.
സെല്‍ഫിയെടുക്കുന്നതിനിടെ സഞ്ജുവിന്‍റെ കൈവശമുണ്ടായിരുന്ന ആരാധകന്‍റെ ഫോണിലേക്ക് ഒരു കോള്‍ വന്നു. ഉടന്‍ തന്നെ ആരാണ് വിളിക്കുന്നതെന്ന് നോക്കിയ ശേഷം സഞ്ജു തന്നെ ആ കോള്‍ അറ്റന്‍ഡ് ചെയ്‌തു. കോള്‍ എടുത്ത സഞ്ജു സ്‌പീക്കറില്‍ ഇട്ടായിരുന്നു സംസാരിച്ചത്.
സഞ്ജുവാണ് കോള്‍ അറ്റന്‍ഡ് ചെയ്‌തതെന്ന് മറുവശത്തുണ്ടായിരുന്ന ആരാധകര്‍ ഉറക്കെ പറയുന്നുണ്ടായിരുന്നു. ഫോണ്‍ കോള്‍ എടുത്തതിന് പിന്നാലെ സഞ്ജു 'എന്തൊക്കെയാണ് വിശേഷങ്ങള്‍' എന്ന് ഹിന്ദിയില്‍ ചോദിക്കുകയും ചെയ്‌തു. ഇതിന് പിന്നാലെ അവിടെ തടിച്ചുകൂടിയ ആരാധകര്‍ വന്‍ ആര്‍പ്പുവിളികളും മുഴക്കി.
-
Calls > Text because you never know, Sanju Samson might just pick up 😂😂 pic.twitter.com/fJwGMbvmt2
— Rajasthan Royals (@rajasthanroyals) April 26, 2023 " class="align-text-top noRightClick twitterSection" data="
">Calls > Text because you never know, Sanju Samson might just pick up 😂😂 pic.twitter.com/fJwGMbvmt2
— Rajasthan Royals (@rajasthanroyals) April 26, 2023Calls > Text because you never know, Sanju Samson might just pick up 😂😂 pic.twitter.com/fJwGMbvmt2
— Rajasthan Royals (@rajasthanroyals) April 26, 2023
ആരാധകന്‍റെ ഫോണിലേക്കെത്തിയ കോള്‍ സഞ്ജു സാംസണ്‍ അറ്റന്‍ഡ് ചെയ്‌തതിന്‍റെ രസകരമായ വീഡിയോ രാജസ്ഥാന്‍ റോയല്‍ ടീം തങ്ങളുടെ ഔദ്യോഗിക സോഷ്യല്‍ മീഡിയ പ്ലാറ്റ്‌ഫോമുകളിലൂടെ പുറത്തുവിട്ടിട്ടുണ്ട്. ഇതിന് മുന്‍പും ആരാധകരെ രസിപ്പിക്കുന്ന തരത്തിലുള്ള വീഡിയോകള്‍ റോയല്‍സ് ടീം പങ്കുവച്ചിരുന്നു. അതില്‍ അവസാനം വന്നത് 'രോമാഞ്ചം' എന്ന മലയാള ചിത്രത്തിലെ ഒരു ഭാഗം ടീം അംഗങ്ങളും പരിശീലകരും അഭിനയിച്ചുകാണിക്കുന്നതാണ്.
More Read : IPL 2023 | 'ആദരാഞ്ജലി നേരട്ടെ' ; രോമാഞ്ചത്തിലെ സിനു സോളമനായി രാജസ്ഥാന്‍ റോയല്‍സ് താരങ്ങള്‍ - വീഡിയോ
ആ വീഡിയോ കേരളത്തിലുള്‍പ്പടെ വലിയ രീതിയിലാണ് തരംഗമായത്. അതിന് മുന്‍പ് ഐപിഎല്‍ പതിനാറാം പതിപ്പിന്‍റെ തുടക്കത്തില്‍ സഞ്ജു സാംസണും യുസ്‌വേന്ദ്ര ചാഹലും ചേര്‍ന്ന് മലയാള ചലച്ചിത്രം കണ്‍കെട്ടിലെ ഒരു രംഗം അഭിനയിച്ചതിന്‍റെ വീഡിയോയും രാജസ്ഥാന്‍ റോയല്‍സ് ആരാധകരുമായി പങ്കിട്ടിരുന്നു.
അതേസമയം, ഇന്ന് ചെന്നൈ സൂപ്പര്‍ കിങ്‌സിനെതിരെ ജയം പിടിച്ച് തുടര്‍ തോല്‍വികളില്‍ നിന്നും കരകയറാനാകും രാജസ്ഥാന്‍ റോയല്‍സിന്‍റെ ശ്രമം. അവസാന രണ്ട് മത്സരങ്ങളിലും രാജസ്ഥാന്‍ പരാജയപ്പെട്ടിരുന്നു.
