മൊഹാലി: ഐപിഎല്ലിലെ ഏറ്റവും ഉയര്‍ന്ന സ്‌കോറുകളില്‍ ഒന്ന് പിറന്ന മത്സരമായിരുന്നു ഇന്നലെ മൊഹാലിയില്‍ നടന്നത്. ടോസ് നഷ്‌ടപ്പെട്ട് ആദ്യം ബാറ്റ് ചെയ്യാനെത്തിയ ലഖ്‌നൗ, പഞ്ചാബിനെതിരെ 257 റണ്‍സ് അടിച്ചുകൂട്ടി. ഐപിഎല്‍ ചരിത്രത്തില്‍ ഒരു ടീം സ്വന്തമാക്കുന്ന ഏറ്റവും ഉയര്‍ന്ന രണ്ടാമത്തെ ടോട്ടലായിരുന്നു ഇത്.
കാഗിസോ റബാഡ, അര്‍ഷ്‌ദീപ് സിങ്, സാം കറന്‍ എന്നിങ്ങനെ അന്താരാഷ്‌ട്ര ക്രിക്കറ്റിലും ഐപിഎല്ലിലും മികവ് തെളിയിച്ച ബോളര്‍മാരായിരുന്നു പഞ്ചാബ് ലൈനപ്പില്‍ സ്ഥാനം പിടിച്ചത്. ഇവരിലെല്ലാം പ്രതീക്ഷയര്‍പ്പിച്ചാകാം പഞ്ചാബ് കിങ്‌സ് നായകന്‍ ടോസ് നേടിയതിന് പിന്നാലെ ആദ്യം ബൗളിങ് തെരഞ്ഞെടുക്കാന്‍ തീരുമാനിച്ചതും. എന്നാല്‍ ലഖ്‌നൗ ഇന്നിങ്‌സ് ആരംഭിച്ചതോടെ ആതിഥേയരുടെ നായകന്‍റെ പ്രതീക്ഷകളും തെറ്റി.
-
Rahul Chahar against Lucknow Super Giants reminded us of Bhuvneshwar Kumar in 2013.
— CricTracker (@Cricketracker) April 28, 2023 " class="align-text-top noRightClick twitterSection" data="
(Both times opposition scored 250+ runs)
📸: IPL/Jio Cinema pic.twitter.com/f4WrhVEt98
">Rahul Chahar against Lucknow Super Giants reminded us of Bhuvneshwar Kumar in 2013.
— CricTracker (@Cricketracker) April 28, 2023
(Both times opposition scored 250+ runs)
📸: IPL/Jio Cinema pic.twitter.com/f4WrhVEt98Rahul Chahar against Lucknow Super Giants reminded us of Bhuvneshwar Kumar in 2013.
— CricTracker (@Cricketracker) April 28, 2023
(Both times opposition scored 250+ runs)
📸: IPL/Jio Cinema pic.twitter.com/f4WrhVEt98
പ്രധാന ബോളര്‍മാരെല്ലാം തുടക്കം മുതല്‍ തന്നെ തല്ല് വാങ്ങികൂട്ടി. കയില്‍ മയേഴ്‌സ് തുടങ്ങി വച്ച ആക്രമണം പിന്നാലെ വന്നവരും ഏറ്റെടുത്തു. ഇതോടെ പന്തെറിയാനെത്തിയ പഞ്ചാബ് ബോളര്‍മാര്‍ നാലുപാടും പറന്നു.
മത്സരത്തില്‍ ഏഴ് ബോളര്‍മാരാണ് പഞ്ചാബിനായി പന്തെറിയാനെത്തിയത്. അതില്‍ പ്രധാന ബോളര്‍മാരെല്ലാം ലഖ്‌നൗ ബാറ്റര്‍മാരുടെ ആക്രമണങ്ങള്‍ക്ക് ഇരയായി. നാലോവര്‍ വീതം പന്തെറിഞ്ഞ അര്‍ഷ്‌ദീപ് സിങ് 54 റണ്‍സും കഗിസോ റബാഡ 52 റണ്‍സുമാണ് വഴങ്ങിയത്.
സാം കറന്‍ മൂന്ന് ഓവറില്‍ 38 റണ്‍സാണ് വഴങ്ങിയത്. ഗുര്‍നൂര്‍ ബ്രാര്‍ മൂന്ന് ഓവറില്‍ 42 റണ്‍സും വിട്ടുകൊടുത്തു. പാര്‍ട്ട് ടൈം ബോളര്‍മാരായെത്തിയ സിക്കന്ദര്‍ റാസയും ലിയാം ലിവിങ്‌സ്റ്റണും എറിഞ്ഞ രണ്ട് ഓവറില്‍ നിന്ന് ലഖ്‌നൗ 36 റണ്‍സും അടിച്ചുകൂട്ടി.
Also Read : IPL 2023| ഹിമാലയൻ സ്കോറിന് മുന്നിൽ മുട്ടുമടക്കി പഞ്ചാബ്; ലഖ്‌നൗവിന് 56 റൺസിൻ്റെ ജയം
എന്നാല്‍, ഒരു വശത്ത് സഹതാരങ്ങള്‍ ലഖ്‌നൗ ബാറ്റര്‍മാരുടെ ചൂടറിഞ്ഞപ്പോള്‍ അല്‍പ്പമെങ്കിലും പിടിച്ചു നിന്നത് പഞ്ചാബ് കിങ്‌സ് സ്‌പിന്നര്‍ രാഹുല്‍ ചഹാര്‍ ആണ്. മത്സരത്തില്‍ നാലോവര്‍ ക്വാട്ടയും പൂര്‍ത്തിയാക്കിയ താരം 29 റണ്‍സ് മാത്രമാണ് വിട്ടുകൊടുത്തത്. കൃത്യതയോടെ പന്തെറിഞ്ഞെങ്കിലും മത്സരത്തില്‍ താരത്തിന് വിക്കറ്റുകളൊന്നും നേടാനായിരുന്നില്ല.
ലഖ്‌നൗവിനെതിരായ മത്സരത്തില്‍ രാഹുല്‍ ചഹാറിന്‍റെ പ്രകടനം മാത്രമായിരുന്നു പഞ്ചാബിന് ആശ്വാസം. 2013ല്‍ ഐപിഎല്‍ ചരിത്രത്തിലെ ഏറ്റവും ഉയര്‍ന്ന സ്‌കോര്‍ റോയല്‍ ചലഞ്ചേഴ്‌സ് ബാംഗ്ലൂര്‍ അടിച്ചെടുത്തപ്പോള്‍ സമാനമായിരുന്നു പൂനെ ബൗളിങ് നിരയില്‍ ഭുവനേശ്വര്‍ കുമാറിന്‍റെ അവസ്ഥയും. അന്ന് ക്രിസ് ഗെയ്‌ല്‍ ചിന്നസ്വാമി സ്റ്റേഡിയത്തില്‍ കൊടുങ്കാറ്റായി മാറിയപ്പോള്‍ പതറാതെ നിന്നതും ഭുവിയും ലൂക്ക് റൈറ്റുമാണ്.
ഈ മത്സരത്തില്‍ നാലോവറും പന്തെറിഞ്ഞ ഭുവനേശ്വര്‍ കുമാര്‍ 23 റണ്‍സാണ് വഴങ്ങിയത്. എന്നാല്‍ എക്കണോമിക്കല്‍ സ്‌പെല്‍ ആയിരുന്നെങ്കിലും വിക്കറ്റൊന്നും സ്വന്തമാക്കാന്‍ ഭുവനേശ്വര്‍ കുമാറിനായിരുന്നില്ല. ലൂക്ക് റൈറ്റ് നാലോവറില്‍ 26 റണ്‍സ് വഴങ്ങി ഒരു വിക്കറ്റ് ഈ മത്സരത്തില്‍ നേടിയിരുന്നു.
