മുംബൈ : ഐപിഎല്ലില്‍ ഇന്ന് നടക്കുന്ന മത്സരത്തില്‍ പഞ്ചാബ് കിങ്സ് ആദ്യം ബാറ്റ് ചെയ്യും. ടോസ് നേടിയ ഡല്‍ഹി ക്യാപിറ്റല്‍സ് നായകന്‍ റിഷഭ് പന്ത് ഫീല്‍ഡിങ് തിരഞ്ഞെടുക്കുകയായിരുന്നു. കഴിഞ്ഞ മത്സരത്തിലെ ടീമില്‍ രണ്ട് മാറ്റങ്ങളുമായാണ് പഞ്ചാബ് ഇറങ്ങുന്നത്.
ക്യാപ്റ്റന്‍ മായങ്ക് അഗര്‍വാള്‍ തിരിച്ചെത്തിയപ്പോള്‍ പ്രഭ്‌സിമ്രാൻ സിങ്ങിന് സ്ഥാനം നഷ്‌ടമായി. നഥാൻ എല്ലിസിന് അവസരം ലഭിച്ചപ്പോള്‍ ഒഡീന്‍ സ്‌മിത്ത് പുറത്തായതാണ് മറ്റൊരുമാറ്റം. മറുവശത്ത് ഒരുമാറ്റമാണ് ഡല്‍ഹി ക്യാപിറ്റല്‍സ് വരുത്തിയത്.
കൊവിഡ് ബാധിതനായ മിച്ചല്‍ മാര്‍ഷ് പുറത്തായപ്പോള്‍ സര്‍ഫറാസ് ഖാനാണ് ടീമില്‍ ഇടം നേടിയത്. സീസണില്‍ തങ്ങളുടെ ഏഴാം മത്സരത്തിന് പഞ്ചാബിറങ്ങുമ്പോള്‍ ഡല്‍ഹിക്കിത് ആറാം മത്സരമാണ്. കളിച്ച അറ് മത്സരങ്ങളില്‍ മൂന്ന് വിജയങ്ങളുള്ള പഞ്ചാബ് നിലവിലെ പോയിന്‍റ് പട്ടികയില്‍ ഏഴാം സ്ഥാനത്തും, അഞ്ചില്‍ രണ്ട് വിജയങ്ങളുള്ള ഡല്‍ഹി എട്ടാം സ്ഥാനത്തുമാണുള്ളത്.
also read: കെഎൽ രാഹുലും ആതിയ ഷെട്ടിയും വിവാഹിതരാവുന്നുവെന്ന് റിപ്പോര്‍ട്ട്
പഞ്ചാബ് കിങ്സ് : മായങ്ക് അഗർവാൾ (സി), ശിഖർ ധവാൻ, ജോണി ബെയർസ്റ്റോ, ലിയാം ലിവിംഗ്സ്റ്റൺ, ജിതേഷ് ശർമ , ഷാരൂഖ് ഖാൻ, കാഗിസോ റബാഡ, നഥാൻ എല്ലിസ്, രാഹുൽ ചാഹർ, വൈഭവ് അറോറ, അർഷ്ദീപ് സിങ്.
ഡൽഹി ക്യാപിറ്റൽസ് : പൃഥ്വി ഷാ, ഡേവിഡ് വാർണർ, റിഷഭ് പന്ത്, റോവ്മാൻ പവൽ, ലളിത് യാദവ്, സർഫറാസ് ഖാൻ, ശാർദുൽ താക്കൂർ, അക്സർ പട്ടേൽ, കുൽദീപ് യാദവ്, മുസ്തഫിസുർ റഹ്മാൻ, ഖലീൽ അഹമ്മദ്.
