ലണ്ടന്‍ : ഇംഗ്ലണ്ടിനെതിരെ ലോര്‍ഡ്‌സില്‍ നാലാം ദിനം രണ്ടാം ഇന്നിങ്‌സ് ആരംഭിച്ച ഇന്ത്യയ്ക്ക് തുടക്കം പാളി. 27 റണ്‍സിന്‍റെ കടവുമായി ബാറ്റ് ചെയ്യാനിറങ്ങിയ ഇന്ത്യയ്ക്ക് ലഞ്ചിന് മുമ്പേ മൂന്ന് വിക്കറ്റുകള്‍ നഷ്ടമായി.
ഓപ്പണര്‍മാരായ കെഎല്‍ രാഹുല്‍ (5), രോഹിത് ശര്‍മ (21) എന്നിവര്‍ക്ക് പുറമെ ക്യാപ്റ്റന്‍ വിരാട് കോലിയുമാണ് (20) കൂടാരം കയറിയത്. ഒടുവില്‍ വിവരം ലഭിക്കുമ്പോള്‍ 57 ഓവറില്‍ കൂടുതല്‍ വിക്കറ്റുകള്‍ നഷ്ടം കൂടാതെ 103 റണ്‍സെടുക്കാന്‍ ഇന്ത്യയ്ക്ക് കഴിഞ്ഞിട്ടുണ്ട്.
ഇതോടെ ഇന്ത്യയ്ക്ക് 76 റണ്‍സിന്‍റെ ലീഡായി. നിലവില്‍ ചേതേശ്വര്‍ പൂജാര (28), അജിന്‍ക്യ രഹാനെ (23) എന്നിവാണ് ക്രീസില്‍. ഇംഗ്ലണ്ടിനായി മാര്‍ക് വുഡ് രണ്ടും സാം കറന്‍ ഒരു വിക്കറ്റും വീഴ്ത്തി.
also read:'സ്വാതന്ത്ര്യദിനാശംസകൾ ഇന്ത്യ' ; ഏവരെയും മിസ് ചെയ്യുന്നുവെന്ന് കെവിന്‍ പീറ്റേഴ്‌സണ്‍
ഇന്ന് ആദ്യ ഇന്നിങ്സിലെ സെഞ്വറിക്കാരന്‍ രാഹുലിന്‍റെ വിക്കറ്റാണ് ഇന്ത്യക്ക് ആദ്യം നഷ്ടമായത്. മാര്‍ക് വുഡിന്‍റെ പന്തില്‍ വിക്കറ്റിന് പിന്നില്‍ ജോസ് ബട്‌ലര്‍ പിടികൂടിയാണ് രാഹുലിന്‍റെ മടക്കം.
വുഡിനെ ഹുക്ക് ചെയ്യാന്‍ ശ്രമിച്ച രോഹിത്തിനെ ഫൈന്‍ ലെഗില്‍ ബൗണ്ടറി ലൈനിനടുത്തുവച്ച് മൊയീന്‍ അലി പിടികൂടി.
അതേസമയം ഓഫ് സ്റ്റംപിന് പുറത്തുപോയ പന്തില്‍ ബാറ്റുവച്ച കോലി ബട്‌ലറിന്‍റെ തന്നെ കൈയില്‍ അവസാനിച്ചു.
