കൊല്‍ക്കത്ത : ഏകദിന ലോകകപ്പില്‍ (Cricket World Cup 2023) ഇന്ത്യയ്‌ക്ക് എതിരെ ദക്ഷിണാഫ്രിക്ക ആദ്യം ബോള്‍ ചെയ്യും. ടോസ് നേടിയ ഇന്ത്യന്‍ ക്യാപ്റ്റന്‍ രോഹിത് ശര്‍മ (Rohit Sharma) ബാറ്റിങ് തിരഞ്ഞെടുക്കുകയായിരുന്നു (India vs South Africa Toss Report). കൊല്‍ക്കത്തയിലെ ഈഡന്‍ ഗാര്‍ഡന്‍സിലാണ് കളി നടക്കുന്നത്.
ശ്രീലങ്കയ്‌ക്ക് എതിരായ കഴിഞ്ഞ മത്സരത്തിലെ ടീമില്‍ മാറ്റമില്ലാതെയാണ് ഇന്ത്യ കളിക്കുന്നത്. ടോസ് ലഭിച്ചിരുന്നുവെങ്കില്‍ ബാറ്റിങ് തന്നെ തിരഞ്ഞെടുക്കുമായിരുന്നുവെന്ന് ദക്ഷിണാഫ്രിക്കന്‍ നായകന്‍ ടെംബ ബാവുമ (Temba Bavuma) പറഞ്ഞു. ന്യൂസിലന്‍ഡിനെതിരായ കഴിഞ്ഞ മത്സരത്തിലെ പ്ലെയിങ് ഇലവനില്‍ മാറ്റവുമായാണ് പ്രോട്ടീസ് കളിക്കുന്നത്. ജെറാൾഡ് കോറ്റ്‌സിക്ക് പകരം തബ്രൈസ് ഷംസിയാണ് ടീമിലേക്ക് എത്തിയത്.
- " class="align-text-top noRightClick twitterSection" data="">
ദക്ഷിണാഫ്രിക്ക (പ്ലെയിംഗ് ഇലവൻ): ക്വിന്‍റൺ ഡി കോക്ക് (ഡബ്ല്യു), ടെംബ ബവുമ (സി), റാസി വാൻ ഡെർ ഡസ്സെൻ, എയ്‌ഡൻ മാർക്രം, ഹെൻറിച്ച് ക്ലാസെൻ, ഡേവിഡ് മില്ലർ, മാർകോ ജാൻസൻ, കേശവ് മഹാരാജ്, തബ്രൈസ് ഷംസി, കാഗിസോ റബാഡ, ലുങ്കി എൻഗിഡി
ഇന്ത്യ (പ്ലെയിംഗ് ഇലവൻ): രോഹിത് ശർമ (സി), ശുഭ്മാൻ ഗിൽ, വിരാട് കോലി, ശ്രേയസ് അയ്യർ, കെഎൽ രാഹുൽ (ഡബ്ല്യു), സൂര്യകുമാർ യാദവ്, രവീന്ദ്ര ജഡേജ, മുഹമ്മദ് ഷമി, ജസ്പ്രീത് ബുംറ, കുൽദീപ് യാദവ്, മുഹമ്മദ് സിറാജ്.
ഈ ലോകകപ്പില്‍ തങ്ങളുടെ എട്ടാം മത്സരത്തിനാണ് ഇന്ത്യയും ദക്ഷിണാഫ്രിക്കയും ഇറങ്ങുന്നത്. ടൂര്‍ണമെന്‍റില്‍ ഇതേവരെ തോല്‍വി അറിയാത്ത ടീമാണ് രോഹിത് ശര്‍മയുടെ ഇന്ത്യ. കളിച്ച ഏഴ്‌ മത്സരങ്ങളില്‍ നിന്നും 14 പോയിന്‍റാണ് ഇന്ത്യയ്ക്കു‌ള്ളത്. ഇതോടെ നിലവിലെ പോയിന്‍റ് പട്ടികയില്‍ തലപ്പത്താണ് ടീമുള്ളത്.
മറുവശത്ത് ദക്ഷിണാഫ്രിക്ക ആവട്ടെ കളിച്ച ഏഴില്‍ ഒരു മത്സരത്തില്‍ തോല്‍വി വഴങ്ങി. നെതര്‍ലന്‍ഡ്‌സായിരുന്നു ടീമിനെ അടിപതറിച്ചത്. ഇതോടെ ഏഴ്‌ മത്സരങ്ങളില്‍ നിന്നും 12 പോയിന്‍റുമായി നിലവിലെ ടേബിളില്‍ രണ്ടാം സ്ഥാനത്താണ് സംഘം. എന്നാല്‍ നെറ്റ്‌റണ്‍ റേറ്റിന്‍റെ കാര്യത്തില്‍ ഇന്ത്യയേക്കാള്‍ മുന്നിലാണ് പ്രോട്ടീസ്.
ഇന്ത്യക്ക് +2.102 നെറ്റ് റണ്‍ റേറ്റുള്ളപ്പോള്‍ +2.290 ആണ് ദക്ഷിണാഫ്രിക്കയുടെ നെറ്റ് റണ്‍റേറ്റ്. ഇതോടെ ഇന്ന് ഈഡന്‍ ഗാര്‍ഡന്‍സില്‍ കളി പിടിക്കുന്നവര്‍ക്ക് ഒന്നാം സ്ഥാനത്തേക്ക് എത്താം. ഏകദിന ലോകകപ്പില്‍ ഇതേവരെയുള്ള നേര്‍ക്കുനേര്‍ പോരാട്ടങ്ങളില്‍ ഇന്ത്യയ്‌ക്ക് മേല്‍ പ്രോട്ടീസിന് ചെറിയ മുന്‍തൂക്കമുണ്ട്.
ALSO READ: ഹൊബാര്‍ട്ടിലെ ഐതിഹാസിക ഇന്നിങ്‌സ് ; വിരാട് കോലിയുടെ ചേസ് മാസ്റ്റര്‍ അവതാരപ്പിറവി
അഞ്ച് തവണയാണ് ഇതിന് മുമ്പ് ലോകകപ്പില്‍ ഇരു ടീമുകളും മത്സരിച്ചത്. ഇതില്‍ മൂന്ന് മത്സരങ്ങളില്‍ ദക്ഷിണാഫ്രിക്ക വിജയിച്ചു. രണ്ട് കളികളാണ് ഇന്ത്യയ്‌ക്ക് ഒപ്പം നിന്നത്. എന്നാല്‍ അവസാനത്തെ രണ്ട് ഏറ്റുമുട്ടലുകളിലും പ്രോട്ടീസിനെ തോല്‍പ്പിക്കാന്‍ കഴിഞ്ഞുവെന്നത് ഇന്ത്യയ്‌ക്ക് ആശ്വാസമാണ്.
ALSO READ: നെയ്‌ത 'നൂറുകള്‍' ചരിത്ര നേട്ടത്തിനരികെ ; റണ്‍വേട്ടയിലെ 'കോലി കല'
മത്സരം കാണാനുള്ള വഴി : ഏകദിന ക്രിക്കറ്റ് ലോകകപ്പിലെ ഇന്ത്യ vs ദക്ഷിണാഫ്രിക്ക മത്സരം ടെലിവിഷനില്‍ സ്റ്റാര്‍ സ്‌പോര്‍ട്‌സ് നെറ്റ്‌വര്‍ക്കിലൂടെയാണ് തത്സമയം സംപ്രേഷണം ചെയ്യുന്നത്. ഡിസ്‌നി + ഹോട്‌സ്റ്റാര്‍ വെബ്‌സെറ്റിലൂടെയും ആപ്ലിക്കേഷനിലൂടെയും മത്സരം കാണാം. (Where to Watch India vs South Africa Cricket World Cup 2023 match)
