ദുബൈ: ബുധനാഴ്ച പുറത്തു വിട്ട ഐസിസി ടെസ്റ്റ് ബാറ്റ്സ്മാന്മാരുടെ റാങ്കിങ്ങില്‍ ഒന്നാം സ്ഥാനം തിരിച്ചുപിടിച്ച് ഓസീസ് താരം സ്റ്റീവ് സ്മിത്ത്. 891 റേറ്റിങ് പോയിന്‍റോടെയാണ് സ്മിത്ത് ഒന്നാമതെത്തിയത്. ന്യൂസിലൻഡ് ക്യാപ്റ്റൻ കെയിൻ വില്ല്യംസണെ മറികടന്നാണ് സ്മിത്തിന്‍റെ സ്ഥാന നേട്ടം.
ഇംഗ്ലണ്ടിനെതിരായ പരമ്പരയിലെ മോശം പ്രകടനമാണ് താരത്തിന് തിരിച്ചടിയായത്. 886 റേറ്റിങ് പോയിന്‍റാണ് വില്ല്യംസണുള്ളത്. അതേസമയം 814 പോയിന്‍റോടെ ഇന്ത്യൻ നായകൻ വിരാട് കോലി നാലാം സ്ഥാനത്തേക്ക് കയറി.878 പോയിന്‍റുള്ള ഓസീസ് താരം മാർനസ് ലബുഷെയ്നാണ് മൂന്നാമത്.
