ദക്ഷിണാഫ്രിക്കയെ എറിഞ്ഞിട്ട് ഇന്ത്യ; ആദ്യ ടെസ്റ്റില്‍ തകർപ്പൻ ജയം

മൂന്ന് ടെസ്റ്റുകളുള്ള ഫ്രീഡം ട്രോഫി ടെസ്റ്റ് പരമ്പരയില്‍ ഇന്ത്യ (1-0) ത്തിന് മുന്നിലെത്തി. രണ്ടാം ഇന്നിംഗ്സിലെ അഞ്ച് വിക്കറ്റ് നേട്ടവുമായി തകർപ്പൻ ബൗളിങ് പ്രകടനം നടത്തിയ മുഹമ്മദ് ഷമിയുടെ മികവിലാണ് ഇന്ത്യയുടെ വിജയം.

വിശാഖപട്ടണം; ദക്ഷിണാഫ്രിക്കയ്ക്ക് എതിരായ ഒന്നാം ക്രിക്കറ്റ് ടെസ്റ്റില്‍ ഇന്ത്യയ്ക്ക് 203 റൺസിന്‍റെ തകർപ്പൻ ജയം. ഇന്ത്യ ഉയർത്തിയ 395 റൺസ് ലക്ഷ്യം പിന്തുടർന്ന ദക്ഷിണാഫ്രിക്ക 191 റൺസിന് ഓൾഔട്ടായി. ഇതോടെ മൂന്ന് ടെസ്റ്റുകളുള്ള ഫ്രീഡം ട്രോഫി ടെസ്റ്റ് പരമ്പരയില്‍ ഇന്ത്യ (1-0) ത്തിന് മുന്നിലെത്തി. രണ്ടാം ഇന്നിംഗ്സിലെ അഞ്ച് വിക്കറ്റ് നേട്ടവുമായി തകർപ്പൻ ബൗളിങ് പ്രകടനം നടത്തിയ മുഹമ്മദ് ഷമിയുടെ മികവിലാണ് ഇന്ത്യയുടെ വിജയം. രവീന്ദ്രജഡേജ നാല് വിക്കറ്റുകൾ നേടി ഷമിക്ക് മികച്ച പിന്തുണ നല്‍കി. അശ്വിൻ ഒരു വിക്കറ്റ് വീഴ്ത്തി. ദക്ഷിണാഫ്രിക്കൻ നിരയില്‍ അർദ്ധ സെഞ്ച്വറി നേടിയ പിഡിറ്റ് മാത്രമാണ് പിടിച്ചു നിന്നത്. മുത്തുസ്വാമി 49 റൺസെടുത്തു.

• 1-0 🇮🇳🇮🇳🇮🇳#TeamIndia win the 1st Test in Vizag by 203 runs #INDvSA @Paytm pic.twitter.com/iFvuKOXPOJ

  — BCCI (@BCCI) October 6, 2019 " class="align-text-top noRightClick twitterSection" data="

  1-0 🇮🇳🇮🇳🇮🇳#TeamIndia win the 1st Test in Vizag by 203 runs #INDvSA @Paytm pic.twitter.com/iFvuKOXPOJ

  — BCCI (@BCCI) October 6, 2019

  ">

  1-0 🇮🇳🇮🇳🇮🇳#TeamIndia win the 1st Test in Vizag by 203 runs #INDvSA @Paytm pic.twitter.com/iFvuKOXPOJ

  — BCCI (@BCCI) October 6, 2019

ഇന്നലെ ഒരു വിക്കറ്റ് നഷ്ടത്തില്‍ 11 റൺസ് എന്ന നിലയില്‍ ബാറ്റിങ് തുടങ്ങിയ ദക്ഷിണാഫ്രിക്കയ്ക്ക് അഞ്ചാംദിനമായ ഇന്ന് രാവിലെ കൂട്ടത്തകർച്ചയായിരുന്നു. എട്ട് വിക്കറ്റ് നഷ്ടത്തില്‍ 100 എന്ന നിലയില്‍ പരുങ്ങിയ ദക്ഷിണാഫ്രിക്കയെ പിഡിറ്റും മുത്തുസ്വാമിയും ചേർന്നാണ് കരകയറ്റിയത്. നേരത്തെ, രണ്ടാം ഇന്നിംഗ്സില്‍ ഇന്ത്യ നാല് വിക്കറ്റിന് 323 റൺസ് എടുത്ത് ഡിക്ലയർ ചെയ്യുകയായിരുന്നു. രോഹിത് ശർമ്മ രണ്ടാം ഇന്നിംഗ്സിലും സെഞ്ച്വറി നേടിയപ്പോൾ പുജാര അർദ്ധ സെഞ്ച്വറി നേടി. നേരത്തെ ആദ്യ ഇന്നിംഗ്സില്‍ ഇന്ത്യ 502 റൺസെടുത്ത് ഡിക്ലയർ ചെയ്തപ്പോൾ ദക്ഷിണാഫ്രിക്ക 431 റൺസിന് ഓൾഔട്ടായിരുന്നു.