ബിർമിങ്ഹാം : എഡ്‍ജ്‍ബാസ്റ്റണ്‍ ടെസ്റ്റിനിടെ ഇന്ത്യൻ ആരാധകർക്കെതിരെ വംശീയാധിക്ഷേപമുണ്ടായ സംഭവത്തിൽ ഒരാൾ അറസ്റ്റിൽ. സംഭവവുമായി ബന്ധപ്പെട്ട് 32-കാരനെയാണ് ബിർമിങ്ഹാം പൊലീസ് അറസ്റ്റ് ചെയ്‌തത്. ഇയാളെ ചോദ്യം ചെയ്‌ത് വരികയാണെന്നും പൊതുസ്ഥലത്ത് വംശീയമായ മോശം പെരുമാറ്റത്തിന്‍റെ പേരിലാണ് അറസ്റ്റെന്നും പൊലീസ് ട്വിറ്ററിലൂടെ അറിയിച്ചു.
ഇംഗ്ലണ്ട് - ഇന്ത്യ അഞ്ചാം ടെസ്റ്റിനിടെ ബിർമിങ്ഹാം സ്‌റ്റേഡിയത്തിൽ ഇന്ത്യന്‍ ആരാധകർ വംശീയാധിക്ഷേപത്തിന് വിധേയരായെന്ന് നേരത്തേ റിപ്പോര്‍ട്ടുണ്ടായിരുന്നു. സംഭവം വിവാദമായതിന് പിന്നാലെ ഇംഗ്ലണ്ട് ക്രിക്കറ്റ് അധികൃതർ ഖേദം പ്രകടിപ്പിച്ച് രംഗത്തെത്തി. സംഭവം ശ്രദ്ധയിൽപ്പെട്ടിട്ടുണ്ടെന്നും ഇക്കാര്യത്തിൽ അന്വേഷണം നടത്തുമെന്നും ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡ് പ്രഖ്യാപിച്ചിരുന്നു.
-
#ARREST | A 32-year-old man has been arrested for a racially aggravated public order offence after reports of racist, abusive behaviour at the test match in #Birmingham on Monday. He remains in custody for questioning. pic.twitter.com/ROp6PVUsUz
— Birmingham Police (@BrumPolice) July 8, 2022 " class="align-text-top noRightClick twitterSection" data="
">#ARREST | A 32-year-old man has been arrested for a racially aggravated public order offence after reports of racist, abusive behaviour at the test match in #Birmingham on Monday. He remains in custody for questioning. pic.twitter.com/ROp6PVUsUz
— Birmingham Police (@BrumPolice) July 8, 2022#ARREST | A 32-year-old man has been arrested for a racially aggravated public order offence after reports of racist, abusive behaviour at the test match in #Birmingham on Monday. He remains in custody for questioning. pic.twitter.com/ROp6PVUsUz
— Birmingham Police (@BrumPolice) July 8, 2022
സ്റ്റേഡിയത്തിലുണ്ടായിരുന്ന ഇന്ത്യൻ ആരാധകരിൽ ചിലർ ഇംഗ്ലണ്ട് കാണികളിൽ നിന്നുണ്ടായ മോശം അനുഭവം സോഷ്യൽ മീഡിയയിൽ പങ്കുവച്ചതോടെയാണ് ഇക്കാര്യം പുറംലോകം അറിയുന്നത്. ഇന്ത്യന്‍ കാണികൾക്ക് നേരെ ഇംഗ്ലണ്ട് കാണികള്‍ അസഭ്യവർഷം നടത്തിയെന്ന് ഒരുപാട് ആളുകൾ ട്വീറ്റ് ചെയ്‌തിരുന്നു.
