കോപ്പന്‍ഹേഗന്‍: ഡെന്‍മാര്‍ക്ക് ഓപ്പണ്‍ ബാഡ്‌മിന്‍റണിൽ ഇന്ത്യയുടെ വിജയപ്രതീക്ഷയായിരുന്ന പി.വി സിന്ധു പുറത്ത്. ക്വാര്‍ട്ടർ ഫൈനലിൽ കൊറിയയുടെ ആന്‍ സെയങ്ങിനോട് നേരിട്ടുള്ള ഗെയിമുകള്‍ക്കാണ് സിന്ധു തോറ്റത്. സ്‌കോര്‍: 11-21, 12-21.
നേരത്തെ തായ്‌ലന്‍റിന്‍റെ ബുസാനൻ ഓങ്ക്‌ബാമ്രുൻങ്ഫാനിനെ 67 മിനിട്ട് നീണ്ടുനിന്ന കനത്ത പോരാട്ടത്തിൽ കീഴടക്കിയാണ് സിന്ധു ക്വാർട്ടറിൽ പ്രവേശിച്ചത്. ടോക്കിയോ ഒളിമ്പിക്‌സിന് ശേഷം സിന്ധു മത്സരിക്കുന്ന ആദ്യത്തെ ടൂർണമെന്‍റാണിത്. ഒളിമ്പിക്‌സിന് ശേഷം താരം ടൂർണമെന്‍റിൽ പങ്കെടുക്കുന്നതിനായി നീണ്ട ഇടവേള എടുത്തിരുന്നു.
ALSO READ : ഇനി കുട്ടിക്രിക്കറ്റിന്‍റെ വിസ്‌മയ രാവുകൾ ; ടി 20 ലോകകപ്പ്‌ മാമാങ്കത്തിന് നാളെ തുടക്കം
അതേസമയം ലോക മൂന്നാം നമ്പർ താരമായ ഡെൻമാർക്കിന്‍റെ ആന്‍ഡേഴ്‌സ് അന്‍റേണ്‍സണിനെ നേരിട്ടുള്ള സെറ്റുകൾക്ക് അട്ടിമറിച്ച് ഇന്ത്യയുടെ സമീർ വർമ ക്വാർട്ടറിൽ പ്രവേശിച്ചു. ടൂര്‍ണമെന്‍റില്‍ അവശേഷിക്കുന്ന ഏക ഇന്ത്യന്‍ പുരുഷ താരമാണ് സമീര്‍ വര്‍മ. സ്കോർ 21-14, 21-18.
