45ആം പിറന്നാള്‍ ആഘോഷിക്കുന്ന നടന്‍ സൂര്യയുടെ അണിയറയില്‍ ഒരുങ്ങുന്ന പുതിയ ചിത്രം സുരരൈ പോട്രിലെ പ്രണയ ഗാനത്തിന്‍റെ പ്രമോ വീഡിയോ പുറത്തിറങ്ങി. മലയാളത്തിന്‍റെ സ്വന്തം അപര്‍ണ ബാലമുരളിയാണ് ചിത്രത്തില്‍ സൂര്യയുടെ നായികയായി എത്തുന്നത്. ഇരുവരും തമ്മിലുള്ള പ്രണയരംഗങ്ങളാണ് വീഡിയോ പ്രമോയിലുള്ളത്. കാട്ടുപയലേ എന്ന് തുടങ്ങുന്ന ഗാനം ആലപിച്ചിരിക്കുന്നത് ധീയാണ്. സ്നേകന്‍റെതാണ് വരികള്‍. ജി.വി പ്രകാശ് സംഗീതം നിര്‍വഹിച്ചിരിക്കുന്നു. സൂര്യയുടെ കരിയറിലെ 38 ആം സിനിമയാണ് സുരരൈ പോട്ര്. എയര്‍ ഡെക്കാന്‍ സ്ഥാപകന്‍ ക്യാപ്റ്റന്‍ ജി.ആര്‍ ഗോപിനാഥിന്‍റെ ജീവിതത്തെ അടിസ്ഥാനമാക്കിയാണ് ചിത്രം ഒരുക്കുന്നത്. സുധാ കൊങ്ങരയാണ് ചിത്രത്തിന്‍റെ സംവിധാനം നിര്‍വഹിച്ചിരിക്കുന്നത്. സംവിധായികക്കൊപ്പം ശാലിനി ഉഷയും ചേര്‍ന്നാണ് തിരക്കഥ തയ്യാറാക്കിയത്. 2ഡി എന്‍റര്‍ടൈന്‍മെന്‍റ്സിന്‍റെയും സീഖ്യാ എന്‍റര്‍ടൈന്‍മെന്‍റ്സിന്‍റെയും ബാനറിൽ സൂര്യയാണ് ചിത്രം നിർമിച്ചിരിക്കുന്നത്.
- " class="align-text-top noRightClick twitterSection" data="">
