പൃഥ്വിരാജിന്‍റെ സംവിധാനത്തിൽ ഒരുങ്ങുന്ന രണ്ടാമത്തെ ചിത്രം. മോഹൻലാൽ നായകനാകുന്ന 'ബ്രോ ഡാഡി'യിലെ പുതുപുത്തൻ വിശേഷങ്ങൾ അറിയാൻ ആരാധകരും ആവേശത്തിലാണ്. ബ്രോ ഡാഡി ഒരു ഫാമിലി എന്‍റർടെയ്‌നറാണെന്നും പൃഥ്വിയും കല്യാണി പ്രിയദർശനും മീനയും ചിത്രത്തിൽ മറ്റ് പ്രധാന വേഷങ്ങളിലെത്തുമെന്നും നേരത്തെ അണിയറപ്രവർത്തകർ വ്യക്തമാക്കിയിരുന്നു.
മോഹൻലാലിന്‍റെ മകളുടെ വേഷത്തിലാണോ കല്യാണി പ്രിയദർശൻ വേഷമിടുന്നതെന്നാണ് ആരാധകരുടെ ആകാംക്ഷ. ആരാധകരെ പോലെ സംവിധായകൻ പ്രിയദർശനും ബ്രോ ഡാഡിക്കായി ആവേശത്തിലാണ്.
- " class="align-text-top noRightClick twitterSection" data="">
ഒപ്പം, തന്‍റെ മകള്‍ മോഹന്‍ലാലിനൊപ്പം അഭിനയിക്കുന്നതിന്‍റെ സന്തോഷവും പ്രിയദർശൻ പങ്കുവയ്ക്കുന്നു. കല്യാണിയും മോഹന്‍ലാലും ഒരുമിച്ചുള്ള ചിത്രം പോസ്റ്റ് ചെയ്‌തുകൊണ്ടാണ് ആ അവിസ്‌മരണീയ നിമിഷത്തെ കുറിച്ച് സംവിധായകൻ പറയുന്നത്.
പ്രിയദർശന്‍റെ ഫേസ്‌ബുക്ക് കുറിപ്പ്
'എനിക്ക് ദൈവം സമ്മാനിച്ച ഏറ്റവും വലിയ നിമിഷങ്ങളിലൊന്നാണിത്, എന്‍റെ മകള്‍ കല്യാണി എനിക്ക് കിട്ടിയ വരദാനമായ സുഹൃത്ത് മോഹന്‍ലാലിനൊപ്പം അഭിനയിക്കുന്നു. പൃഥ്വിരാജിനും ആന്‍റണിക്കും നന്ദി അറിയിക്കുന്നു,' എന്ന് പ്രിയദർശൻ ഫേസ്‌ബുക്കിൽ കുറിച്ചു.
Also Read: വിവാഹമോചനം; മുകേഷിന് മേതിൽ ദേവികയുടെ വക്കീൽ നോട്ടീസ്
ആശിര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് ചിത്രം നിര്‍മിക്കുന്നത്. കൂടാതെ, മോഹൻലാൽ, പ്രണവ് മോഹൻലാൽ, മഞ്‌ജു വാര്യർ, ഫാസിൽ തുടങ്ങിയ പ്രതിഭകൾ ഒരുമിച്ച് അഭിനയിക്കുന്ന, പ്രിയദർശൻ സംവിധാനം ചെയ്യുന്ന മരക്കാർ അറബിക്കടലിന്‍റെ സിംഹം എന്ന ചിത്രത്തിലും കല്യാണി പ്രിയദർശൻ ഭാഗമാകുന്നുണ്ട്.
