മുകേഷ്, വിജയരാഘവന്‍ എന്നിവർ മുഖ്യവേഷത്തെ അവതരിപ്പിക്കുന്ന പുതിയ ചിത്രമാണ് ‘2 സ്റ്റേറ്റ്സ്’. ജാക്കി.എസ്.കുമാര്‍ സംവിധാനം ചെയ്യുന്ന ചിത്രത്തിലെ പുതിയ വീഡിയോ ഗാനം പുറത്തുവിട്ടു. എം. ജി. ശ്രീകുമാർ ആലപിച്ച ഗാനമാണ് അണിയറപ്രവർത്തകർ ഇപ്പോൾ റിലീസ് ചെയ്‌തിരിക്കുന്നത്. മുകേഷും അദ്ദേഹത്തിന്‍റെ അച്ഛൻ വേഷം ചെയ്യുന്ന വിജയരാഘവനും തമ്മിലുള്ള രസകരമായ രംഗങ്ങൾ ഗാനത്തിലുണ്ട്. ജ്യോതിഷിന്‍റെ വരികൾക്ക് ജേക്‌സ് ബിജോയിയാണ് ഈണം പകർന്നിരിക്കുന്നത്. മനു പിള്ള, ഇന്ദ്രൻസ്, ശരണ്യ ആര്‍, ഷമ്മി തിലകന്‍ എന്നിവരും 2 സ്റ്റേറ്റ്സിൽ മുഖ്യവേഷങ്ങളിലെത്തുന്നുണ്ട്.
- " class="align-text-top noRightClick twitterSection" data="">
റിനൈസന്‍സ് പിക്ചേഴ്‌സിന്‍റെ ബാനറില്‍ നൗഫര്‍ എം.തമീമും സുല്‍ഫിക്കര്‍ കലീലും ചേർന്നാണ് ചിത്രം നിർമിക്കുന്നത്. സഞ്‌ജയ് ഹാരിസ്, പ്രശാന്ത് കൃഷ്‌ണ എന്നിവരാണ് ക്യാമറ. സാഗര്‍ ദാസാണ് എഡിറ്റിങ് നിര്‍വഹിച്ചിരിക്കുന്നത്. ഈ മാസം 28ന് 2 സ്റ്റേറ്റ്സ് തിയേറ്ററുകളിലെത്തും.
