കരുതലോടെ തമിഴകത്തിന്‍റെ തല; ചിത്രീകരണത്തിനിടെ സ്റ്റണ്ട് ആർട്ടിസ്റ്റുകളോട് മാപ്പ് പറഞ്ഞ് അജിത്ത്

ഓരോ സംഘട്ടനം കഴിയുമ്പോഴും സ്റ്റണ്ട് ആർട്ടിസ്റ്റുകളോട് ക്ഷമ ചോദിക്കുന്ന അജിത്തിനെയാണ് വീഡിയോയിൽ കാണാന്‍ സാധിക്കുക. ചിത്രീകരണത്തിനിടെ സാഹസികമായ അപകട രംഗങ്ങൾ ഡ്യൂപ്പിനെ ഉപയോഗിക്കാതെ സ്വയം ചെയ്യുന്ന താരമാണ് അജിത്ത്.

അജിത്ത് നായകനായി എത്തിയ പുതിയ ചിത്രം നേർകൊണ്ട പാർവൈ തിയേറ്ററുകളിൽ വിജയകരമായി പ്രദര്‍ശനം തുടരുകയാണ്. ഇപ്പോഴിതാ സിനിമയിലെ ആക്ഷന്‍ സീക്വൻസിന്‍റെ മേക്കിങ് വീഡിയോ അണിയറപ്രവർത്തകർ പുറത്ത് വിട്ടിരിക്കുകയാണ്. ഓരോ സംഘട്ടനം കഴിയുമ്പോഴും സ്റ്റണ്ട് ആർട്ടിസ്റ്റുകളോട് ക്ഷമ ചോദിക്കുന്ന അജിത്തിനെയാണ് വീഡിയോയിൽ കാണാന്‍ സാധിക്കുക. ചിത്രീകരണത്തിനിടെ സാഹസികമായ അപകട രംഗങ്ങൾ ഡ്യൂപ്പിനെ ഉപയോഗിക്കാതെ സ്വയം ചെയ്യുന്ന താരമാണ് അജിത്ത്. ഡ്യൂപ്പ് ചെയ്യുന്നവര്‍ക്ക് താന്‍ മൂലം അപകടം സംഭവിക്കരുത് എന്നാണ് അജിത്തിന്‍റെ നിലപാട്.

• " class="align-text-top noRightClick twitterSection" data="">

അണിയറപ്രവര്‍ത്തകര്‍ പുറത്തുവിട്ട മേക്കിങ് വീഡിയോയില്‍ സഹപ്രവര്‍ത്തകരെ കൂടി പരിഗണിച്ചുകൊണ്ട് അവരുടെ സുരക്ഷകൂടി ഉറപ്പാക്കി പ്രവര്‍ത്തിക്കുന്ന അജിത്തിനെയാണ് കാണാനാകുക. ഇതുപോലെ തന്നെ സെറ്റിലുള്ളവരോടെല്ലാം ആത്മാർഥമായ സ്നേഹം വച്ചുപുലര്‍ത്തുന്ന താരത്തിന്‍റെ പല പ്രവൃത്തികളും ആരാധകരുടെ ഇടയിൽ വലിയ ചർച്ചയായിരുന്നു. ഈ ആക്ഷന്‍ സീക്വൻസ് വിഡിയോയുടെ താഴെയും അജിത്തിന്‍റെ എളിമയെക്കുറിച്ചാണ് ഏവർക്കും പറയുവാനുള്ളത്. തമിഴകത്തിന്‍റെ തലക്ക് കേരളത്തിലും നിരവധി ആരാധകരുണ്ട്.