നാനും റൗഡി താൻ എന്ന ചിത്രത്തിൽ നിന്ന് തുടങ്ങിയ പ്രണയം... കോളിവുഡിന് മാത്രമല്ല തെന്നിന്ത്യ മുഴുവൻ ജനപ്രിയ ജോഡികളാണ് നയൻതാരയും വിഗ്നേഷ് ശിവനും. സംവിധായകനും നിർമാതാവും ഗാനരചയിതാവുമായി പ്രശസ്‌തനായ വിഗ്നേഷ് ശിവന്‍റെ 36-ാം ജന്മദിനമായിരുന്നു ശനിയാഴ്‌ച.
പ്രിയതമനായി നടി ഒരുക്കിയ സർപ്രൈസ് പാർട്ടിയുടെ ചിത്രങ്ങള്‍ ആരാധകര്‍ ഏറ്റെടുത്തിരിക്കുകയാണ്. ചോക്ലേറ്റ് കേക്കുകളും സമ്മാനപ്പൊതികളും നിറച്ച സർപ്രൈസാണ് ജന്മദിനത്തിൽ നയൻതാര വിക്കിക്കായി ഒരുക്കിയത്.
- " class="align-text-top noRightClick twitterSection" data="
">
തന്‍റെ പ്രിയപ്പെട്ടവളുടെ പിറന്നാൾ സർപ്രൈസിൽ നിന്നുള്ള നിമിഷങ്ങൾ പങ്കുവച്ചുകൊണ്ട് ഇൻസ്റ്റഗ്രാമിലൂടെ വിഗ്നേഷ് നയൻതാരയ്ക്ക് നന്ദി അറിയിക്കുകയും ചെയ്‌തു.
Also Read: കോശി കുര്യൻ തെലുങ്കിൽ 'ഡാനിയല്‍ ശേഖര്‍'; റാണയുടെ ഫസ്റ്റ് ലുക്ക് 20ന് എത്തും
'ഈ സർപ്രൈസ് ബർത്ത്‌ഡേക്കായി നന്ദി തങ്കമേ, എന്‍റെ ജീവിതത്തിൽ പകരം വയ്ക്കാനാവാത്ത നിന്‍റെ സാന്നിധ്യത്തിനും നന്ദി.' പിറന്നാൾ ആശംസ അറിയിച്ച എല്ലാ സുഹൃത്തുക്കൾക്കും നന്ദി പറയുന്നതായും വിഗ്നേഷ് ശിവൻ കുറിച്ചു.
അതേസമയം, ഇരുവരും, വരുന്ന ഡിസംബറിൽ വിവാഹിതരാകുമെന്നാണ് റിപ്പോർട്ട്.
