ലൂസിഫറിന് ശേഷം മോഹൻലാൽ നായകനും പൃഥ്വിരാജ് സംവിധാനകുപ്പായമണിയുകയുമാണ് 'ബ്രോ ഡാഡി' എന്ന ചിത്രത്തിലൂടെ. പ്രഖ്യാപന സമയം മുതൽ ഏറെ ശ്രദ്ധനേടിയ ചിത്രത്തിന്‍റെ നിർമാണപ്രവർത്തനങ്ങൾക്കായി താരങ്ങൾ ഇപ്പോൾ ഹൈദരാബാദിലാണുള്ളത്.
കുടുംബചിത്രമായി ഒരുക്കുന്ന ബ്രോ ഡാഡിയിൽ മോഹൻലാലിനൊപ്പം അഭിനയനിരയിൽ പൃഥ്വിരാജുമെത്തുന്നുണ്ട്. സിനിമയുടെ ടൈറ്റിൽ സൂചിപ്പിക്കുന്നത് പോലെ പൃഥ്വിയുടെ ബ്രോ ഡാഡിയായാണ് മോഹൻലാൽ എത്തുന്നതെന്നാണ് ഏറ്റവും പുതിയ റിപ്പോർട്ടുകൾ.
ഡാഡി റോളിൽ മോഹൻലാൽ
മോഹൻലാലിന്‍റെ മകന്‍റെ വേഷമാണ് സംവിധായകൻ പൃഥ്വിരാജ് അവതരിപ്പിക്കുന്നതെന്ന് ചിത്രത്തിന്‍റെ അഭിനയനിരയിൽ ഭാഗമായ നടൻ ജഗദീഷ് ഒരു അഭിമുഖത്തിൽ വെളിപ്പെടുത്തി. ഇതാദ്യമായാണ് മലയാളത്തിലെ സൂപ്പർസ്റ്റാർ മോഹൻലാലും യൂത്ത് ഐക്കൺ പൃഥ്വിരാജും അച്ഛനും മകനുമായി സ്‌ക്രീനിൽ എത്തുന്നത്. സിനിമയുടെ 80ശതമാനം ഷൂട്ടും ഇപ്പോൾ പൂർണമായെന്നും ജഗദീഷ് പറഞ്ഞു.
More Read: ഇരുവശത്തും ഉയർന്ന നടന്മാർ : പൃഥ്വിക്കും ജയംരവിക്കുമൊപ്പം കനിഹ
കല്യാണി പ്രിയദർശൻ, മീന, കനിഹ, ലാലു അലക്‌സ്, മുരളി ഗോപി, സൗബിൻ ഷാഹിർ എന്നിവരാണ് മറ്റ് മുഖ്യതാരങ്ങൾ. ബ്രോ ഡാഡിയുടെ ഗാനം ഒരുക്കുന്നത് ദീപക് ദേവാണ്. വിനീത് ശ്രീനിവാസനും സംഗീത സംവിധാനത്തിൽ പങ്കാളിയാകുന്നുണ്ട്.
ശ്രീജിത്ത് എനും ബിബിൻ ജോര്‍ജുമാണ് തിരക്കഥയെഴുതുന്നത്. ആശിർവാദ് സിനിമാസിന്‍റെ ബാനറിൽ ആന്‍റണി പെരുമ്പാവൂരാണ് ചിത്രത്തിന്‍റെ നിർമാണം.
