ജൂനിയര്‍ ആര്‍ട്ടിസ്റ്റായി എത്തി സ്വതസിദ്ധമായ അഭിനയത്തിലൂടെ മലയാള സിനിമലോകത്ത് തന്‍റേതായ ഇരിപ്പിടം കണ്ടെത്തിയ താരമാണ് നടന്‍ ജോജു ജോര്‍ജ്. കൈനിറയെ സിനിമകളുമായി തിരക്കിലാണ് താരമിപ്പോള്‍. മലയാളത്തിന് പുറമെ തമിഴിലും ചുവടുറപ്പിക്കാന്‍ ഒരുങ്ങുകയാണ് താരം. തമിഴകത്തിന്‍റെ സ്വന്തം ധനുഷ് നായകനാകുന്ന പുതിയ ചിത്രത്തിലൂടെയാണ് ജോജുവിന്‍റെ തമിഴ് സിനിമാപ്രവേശനം. സിനിമയുടെ ചിത്രീകരണം ലണ്ടനില്‍ പുരോഗമിക്കുകയാണ്. ഷൂട്ടിങ് ഇടവേളയില്‍ തന്‍റെ ഇഷ്ടതാരം ധനുഷിനൊപ്പം പകര്‍ത്തിയ സെല്‍ഫി ആരാധകര്‍ക്കായി പങ്കുവെച്ചിരിക്കുകയാണ് ജോജു ജോര്‍ജ്. ഫാന്‍ ബോയ് മൊമന്‍റ് എന്ന അടികുറുപ്പോടെയാണ് ഫോട്ടോ ജോജു പങ്കുവെച്ചിരിക്കുന്നത്.
- " class="align-text-top noRightClick twitterSection" data="
">
അതേസമയം ലണ്ടനില്‍ ധനുഷിനെ കാണാൻ ആരാധകര്‍ എത്തിയ വീഡിയോയും സാമൂഹ്യമാധ്യമങ്ങളില്‍ തരംഗമായിരുന്നു. ധനുഷ് ലണ്ടനില്‍ സിനിമ ചിത്രീകരണത്തിലാണെന്ന വാര്‍ത്ത പുറത്തുവന്നതോടെ നിരവധി പേരാണ് താരത്തെ കാണാനെത്തിയത്. അതില്‍ കുട്ടികളടക്കമുണ്ടായിരുന്നു. അതേസമയം 1973ല്‍ പ്രദര്‍ശനത്തിന് എത്തിയ എം ജി ആര്‍ ചിത്രമായ ഉലകം സുട്രും വാലിബൻ എന്ന പേര് തന്നെ ചിത്രത്തിന് ഇട്ടേക്കുമെന്നാണ് റിപ്പോര്‍ട്ട്. ധനുഷ് ചിത്രത്തില്‍ മലയാളി താരം ഐശ്വര്യ ലക്ഷ്‍മിയാണ് നായികയാകുന്നത്.
