നടൻ അനിൽ നെടുമങ്ങാടിന്‍റെ മരണവാർത്തയുടെ നടുക്കത്തിലാണ് അദ്ദേഹത്തിന്‍റെ സഹപ്രവർത്തകരും സുഹൃത്തുക്കളും പ്രേക്ഷകരുമെല്ലാം. കഴിഞ്ഞ ദിവസമാണ് അനിൽ ഇടുക്കി മലങ്കര ഡാമിൽ മുങ്ങിമരിച്ചത്. ആ സംഭവത്തിന് സാക്ഷിയാകേണ്ടി വന്ന വേദനയുള്ള ഓർമ പങ്കുവെക്കുകയാണ് മാധ്യമപ്രവർത്തകൻ കൂടിയായ സോജൻ സ്വരാജ്.
ആശുപത്രിയിലേക്ക് കൊണ്ടുപോകുമ്പോൾ പ്രതീക്ഷ കുറവാണെന്ന് കൂട്ടം കൂടി നിന്ന ആളുകൾ പറഞ്ഞിരുന്നെങ്കിലും പാതിയടഞ്ഞ അദ്ദേഹത്തിന്‍റെ കണ്ണുകൾ വീണ്ടും തുറക്കുമെന്ന പ്രതീക്ഷയിലായിരുന്നുവെന്നും സോജൻ പറഞ്ഞു.
"...അയ്യപ്പനും കോശിയും ചിത്രത്തിലെ അദ്ദേഹത്തിന്‍റെ സി.ഐ കഥാപാത്രം കോശിക്ക് 'ചാവാതിരിക്കാൻ' ഒരു ടിപ്പ് പറഞ്ഞു കൊടുത്തത് പോലെ അദ്ദേഹത്തിനും ജീവിക്കാൻ കാലം ഒരു ടിപ്പ് പറഞ്ഞു കൊടുക്കുമെന്ന് പ്രതീക്ഷിച്ചെങ്കിലും അത് ഉണ്ടായില്ല. മണിക്കൂറുകൾ കണ്ടതും ആസ്വദിച്ചതുമായ മലങ്കരയുടെ മനോഹാരിതയുമെല്ലാം മനസിൽ നിന്നും ഒരു നിമിഷം കൊണ്ട് ഡിലീറ്റ് ആയെങ്കിലും കൈകളിലെ അ തണുപ്പ് മാത്രം വിട്ടുമാറുന്നില്ല..." താനും മൂന്ന് സുഹൃത്തുക്കളും മലങ്കര ഡാം കാണാൻ പോയി ഒരു മരണത്തിന് സാക്ഷിയാകേണ്ടി വന്ന ക്രിസ്മസ് ദിനം മറക്കാനാവുന്നില്ലെന്ന് ഫേസ്‌ബുക്ക് പോസ്റ്റിലൂടെ സോജൻ വിശദീകരിച്ചു.
റോഡരികിൽ ചെറിയൊരു ആൾക്കൂട്ടം കണ്ട് കാര്യം തിരക്കിയപ്പോൾ ഒരാൾ വെള്ളത്തിൽ പോയതാണന്നറിഞ്ഞു. നിമിഷങ്ങൾക്കകം ഒരു യുവാവ് ബൈക്കിൽ പാഞ്ഞെത്തി ജലാശയത്തിലേയ്ക്കുള്ള കൽക്കെട്ടുകൾ ഓടിയിറങ്ങി. പടികൾ ഇറങ്ങുന്നതിനിടയിൽ തന്നെ അയാൾ മുണ്ടും ഷർട്ടും ഊരിയെറിഞ്ഞ് കരയിൽ നിന്നവർ ചൂണ്ടി കാണിച്ച സ്ഥലത്തേയ്ക്ക് ആഴ്ന്നിറങ്ങി. വെള്ളത്തിൽ നിന്ന് ആളെ കരയ്‌ക്കെത്തിക്കുമ്പോൾ വെള്ളത്തിൽ വീണ സുഹുത്തുക്കൾക്കും പോലീസുകാർക്കുമൊപ്പം പിടിച്ച് കയറ്റി. ഉയരം കൂടിയ കലുങ്കിന്‍റെ കുത്തുകല്ലിലൂടെ ഏറെ ശ്രമകരമായി ശരീരം എത്തിച്ച് റോഡരികിൽ കിടത്തി. ആശുപത്രിയിലേക്ക് എടുത്തുകൊണ്ട് പോകുന്നതിനിടയിലാണ് അപകടം പറ്റിയത് കമ്മട്ടിപ്പാടത്തിലെ നടനാണെന്നത് ആരോ പറയുന്നത് കേട്ടത്. പാതിയടഞ്ഞ അനിലിന്‍റെ കണ്ണുകൾ വീണ്ടും തുറക്കുമെന്ന പ്രതീക്ഷ കൈവിടാതെ തുടർന്ന് തങ്ങളും ആശുപത്രിയിലേയ്ക്ക് തിരിച്ചുവെന്ന് സോജൻ കുറിപ്പിൽ വ്യക്തമാക്കി.
-
മലങ്കരയുടെ മനോഹാരിത കാണാൻ പോയി ഒരു മരണത്തിന് നേർസാക്ഷിയാകേണ്ടി വന്ന ക്രിസ്മസ് ദിനം. മലയാളത്തിൻ്റെ പ്രിയ നടൻ അനിൽ...
Posted by Sojan Swaraj on Friday, 25 December 2020
മലങ്കരയുടെ മനോഹാരിത കാണാൻ പോയി ഒരു മരണത്തിന് നേർസാക്ഷിയാകേണ്ടി വന്ന ക്രിസ്മസ് ദിനം. മലയാളത്തിൻ്റെ പ്രിയ നടൻ അനിൽ...
Posted by Sojan Swaraj on Friday, 25 December 2020
മലങ്കരയുടെ മനോഹാരിത കാണാൻ പോയി ഒരു മരണത്തിന് നേർസാക്ഷിയാകേണ്ടി വന്ന ക്രിസ്മസ് ദിനം. മലയാളത്തിൻ്റെ പ്രിയ നടൻ അനിൽ...
Posted by Sojan Swaraj on Friday, 25 December 2020
