ഇന്ന് 59-ാം പിറന്നാൾ ആഘോഷിക്കുന്ന മലയാളത്തിന്‍റെ നടന വിസ്മയം മോഹൻലാലിന്‍റെ അഭിനയവും ജീവിതവും പുസ്തകമാകുന്നു. തന്റെ ജീവചരിത്രം അണിയറയിൽ ഒരുങ്ങുകയാണെന്ന വിവരം മോഹൻലാൽ തന്നെയാണ് ഫേസ്ബുക്കിലൂടെ ആരാധകരുമായി പങ്കുവച്ചത്. 'മുഖരാഗം' എന്ന് പേരിട്ടിരിക്കുന്ന ജീവചരിത്ര പുസ്തകം പത്രപ്രവർത്തകനും എഴുത്തുകാരനുമായ ഭാനുപ്രകാശാണ് തയ്യാറാക്കുന്നത്.
40 വർഷത്തിലേറെയായി തുടരുന്ന അഭിനയജീവിതവും തന്റെ ജീവിതാനുഭവങ്ങളും കൂടിച്ചേരുന്നതായിരിക്കും ജീവചരിത്രമെന്ന് മോഹൻലാൽ പറയുന്നു. വർഷങ്ങളായി തനിക്കൊപ്പം സഞ്ചരിച്ചാണ് ഭാനുപ്രകാശ് തന്റെ ജീവിതം അക്ഷരങ്ങളിലേക്ക് പകർത്തിയെഴുതുന്നത്. 2020-ൽ 'മുഖരാഗം' വായനക്കാർക്ക് മുന്നിൽ എത്തിക്കാനാണ് തങ്ങളുടെ ശ്രമമെന്നും മോഹൻലാൽ കുറിച്ചു.
വർഷങ്ങൾക്ക് മുമ്പ് അഭിനയ ജീവിതത്തിന്‍റെ 25-ാം വർഷത്തില്‍ 'ബാലേട്ടൻ' എന്ന സിനിമയുടെ ലൊക്കേഷനില്‍ വച്ചാണ് ഭാനുപ്രകാശ് ആദ്യമായി ഈ ആഗ്രഹം പ്രകടിപ്പിച്ചത്. ആദ്യം അത് നിരസിച്ച ലാല്‍ വർഷങ്ങൾക്ക് ശേഷം സമ്മതം മൂളുകയായിരുന്നു.
- " class="align-text-top noRightClick twitterSection" data="">
