മോഹന്‍ലാല്‍, സൂര്യ, ആര്യ എന്നിവര്‍ പ്രധാന വേഷത്തിലെത്തുന്ന ‘കാപ്പാന്‍’ തിയറ്ററുകളിലേക്ക് എത്തുകയാണ്. കഴിഞ്ഞ ദിവസം ചിത്രത്തിന്‍റെ കേരള ലോഞ്ച് കൊച്ചിയില്‍ വെച്ച് നടന്നിരുന്നു. ചടങ്ങില്‍ മോഹന്‍ലാലിനെയും സൂര്യയെയും ഒരുമിച്ചാണ് അവതാരക വേദിയിലേക്ക് ക്ഷണിച്ചത്.
- " class="align-text-top noRightClick twitterSection" data="">
ആദ്യം സൂര്യയോട് സംസാരിക്കാന്‍ അവതാരക ആവശ്യപ്പെട്ടെങ്കിലും മോഹന്‍ലാല്‍ സാര്‍ സംസാരിക്കട്ടെ എന്നായിരുന്നു സൂര്യയുടെ മറുപടി. കാപ്പാനിലെ കഥാപാത്രത്തെ സൂര്യ വളരെ ആഴത്തില്‍ പഠിച്ചിട്ടുണ്ടെന്നും ഒരു എസ്പിജി ഓഫീസറുടെ കൂടെ പോയി നിന്ന് കാര്യങ്ങള്‍ പഠിച്ചിരുന്നെന്നും മോഹന്‍ലാല്‍ പറഞ്ഞു. ആ അര്‍പ്പണത്തിനുള്ള പ്രതിഫലം ലഭിക്കുമെന്നാണ് താന്‍ കരുതുന്നതെന്നും മോഹൻലാല്‍ അഭിപ്രായപ്പെട്ടു. മോഹന്‍ലാല്‍ സംസാരിച്ച ശേഷം സൂര്യ സംസാരിക്കാന്‍ തുടങ്ങി. എന്നാല്‍ സിനിമയെക്കുറിച്ച് പറയുന്നതിന് മുന്‍പ് അവതാരകയെ തിരുത്തുകയാണ് സൂര്യ ചെയ്തത്. ''ദയവ് ചെയ്ത് സൂപ്പര്‍സ്റ്റാര്‍ എന്ന് പറഞ്ഞിട്ട് ആദ്യം എന്‍റെ പേര് പറയരുത്, ലാല്‍ സാറിന്‍റെ പേര് പറയുക. അദ്ദേഹം ഒരു ആല്‍മരമാണ്. ഞാൻ ഒരു ചെറിയ കൂണും. ഒരു വേദിയില്‍ ഒരുമിച്ച് നില്‍ക്കുന്നു എന്നേയുള്ളൂ, ഒരിക്കലും ഞങ്ങളെ തമ്മില്‍ താരതമ്യം ചെയ്യാന്‍ സാധിക്കില്ല,” തിരുത്തിയതില്‍ തെറ്റിദ്ധരിക്കരുത്”- സൂര്യ പറഞ്ഞു.
കെ വി ആനന്ദ് സംവിധാനം ചെയ്യുന്ന ചിത്രത്തില്‍ പ്രധാനമന്ത്രി ചന്ദ്രകാന്ത് വര്‍മ്മ എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. പ്രധാനമന്ത്രിയുടെ എന്എസ്ജി കമാന്‍ഡോ ആയാണ് സൂര്യ എത്തുന്നത്. ആര്യ, സയ്യേഷ, സമുദ്രക്കനി, ഷംന കാസിം എന്നിവരാണ് ചിത്രത്തിലെ മറ്റ് താരങ്ങള്‍.
